ભારતીય ક્રિકેટ કંટ્રોલ બોર્ડ (બીસીસીઆઈ) દ્વારા ભારતીય સિનિયર મહિલા ટીમ, ઈન્ડિયા એ અને અંડર-૧૯ ટીમોની વિવિધ દ્વિપક્ષીય શ્રેણીઓનો કાર્યક્રમ જાહેર કરાયો છે.
ભારતીય મહિલા ટીમ ઓક્ટોબર ૨૦૨૬માં ઝિમ્બાબ્વે મહિલા ટીમ સામે ટી-૨૦ અને વન-ડે મેચોની વ્હાઈટ બોલ સિરીઝ રમશે. આ સિરીઝની સમગ્ર વન-ડે શ્રેણી અત્રેના કોટંબી સ્થિત બીસીએ (બરોડા ક્રિકેટ અસોસિએશન) સ્ટેડિયમ ખાતે બપોરે બે વાગ્યે રમાશે. પ્રથમ વન-ડે ૨૩ ઓક્ટોબર, બીજીવન-ડે ૨૫ ઓક્ટોબર અને ત્રીજી વન-ડે૨૮ ઓક્ટોબરે રમાશે.
આ ઉપરાંત નવેમ્બર-ડિસેમ્બર ૨૦૨૬ દરમિયાન ઈન્ડિયા અને ઇંગ્લેન્ડ અંડર-૧૯ મહિલા ટીમ વચ્ચે પાંચ ટી-૨૦ મેચોની સિરીઝ રમાશે. આ સિરીઝ વડોદરા અને સુરત બંને શહેરોમાં યોજાશે, જેમાં પ્રથમ બે ટી-૨૦ મેચ બીસીએ સ્ટેડિયમ ખાતે રમાશે. પ્રથમ મેચ ૨૬ નવેમ્બર, સાંજે ૬ વાગ્યે અને બીજી મેચ ૨૮ નવેમ્બર, બપોરે ૧ વાગ્યે રમાશે.
