નાગેશ્વરમાં દર્શનાર્થી યુવતીની છેડતી કરનાર શખ્સોને ટપારતાં હુમલો, 8 યાત્રિકોને ઇજા

અમદાવાદના યાત્રિક સંઘના ભાવિકો ઘાયલ થતાં સારવાર માટે ખસેડાયા : શેરડીના સાંઠા તથા નારિયેળ કાપવાના કોઇતાથી હુમલો કરવા અંગે છ શખ્સો સામે ફરિયાદ નોંધાવાઇ

 જામ ખંભાળિયા, : દ્વારકા પાસેનાં નાગેશ્વર તીર્થધામ ખાતે દર્શનાર્થે આવેલા અમદાવાદ વિસ્તારના યાત્રિક સંઘની યુવતીની બે શખ્સો દ્વારા છેડતી કરાતા તે અંગે યુવતીના ભાઇએ બંન્નેને ટપાર્યા હતા. તેથી આ બાબતે બોલાચાલી થતા સંઘના અન્ય યાત્રિકો વચ્ચે પડતા આરોપીઓએ શેરડીના સાઠા તથા નારિયેળ કાપવાના કોઇતાથી હુમલો કરતા 8 જેટલાં યાત્રિકોને ઇજા થઇ હતી. તમામને સારવાર માટે ખસેડાયા હતા. આ અંગે 6 શખ્સો સામે મીઠાપુર પોલીસ મથકમાં ફરિયાદ નોધાવાઇ છે.