CBSE 12th Result 2026 Declared: કેન્દ્રીય માધ્યમિક શિક્ષણ બોર્ડ (CBSE) દ્વારા ધોરણ 12નું પરિણામ જાહેર કરવામાં આવ્યું છે. આ વર્ષે પણ વિદ્યાર્થીનીઓએ બાજી મારી છે. લાંબા સમયથી પરિણામની રાહ જોતા લાખો વિદ્યાર્થીઓનો આતુરતાનો અંત આવ્યો છે. આ વર્ષે કુલ 85.20% વિદ્યાર્થીઓ પાસ થયા છે.
છોકરીઓનું ઉત્કૃષ્ટ પ્રદર્શન
આ વર્ષના પરિણામમાં ફરી એકવાર છોકરીઓએ છોકરા કરતા સરસાઈ મેળવી છે. છોકરીઓની પાસ થવાની ટકાવારી 88.86% રહી છે, જ્યારે છોકરાઓની ટકાવારી 82.13% નોંધાઈ છે. આમ, વિદ્યાર્થીનીઓએ વિદ્યાર્થીઓ કરતા 6.73% સારું પ્રદર્શન કર્યું છે.
પરિણામ ક્યાં અને કેવી રીતે જોવું?
વિદ્યાર્થીઓ તેમનું પરિણામ નીચે મુજબની રીતોથી ચેક કરી શકે છે:
સત્તાવાર વેબસાઇટ: cbse.gov.in અથવા cbseresults.nic.in
ડિજિટલ પ્લેટફોર્મ: ડિઝિલોકર (DigiLocker) અને ઉમંગ (UMANG) એપ પર પણ પરિણામ અને સ્કોરકાર્ડ ઉપલબ્ધ છે.
પરિણામ જોવા માટે રોલ નંબર, સ્કૂલ કોડ, એડમિટ કાર્ડ આઈડી અને જન્મ તારીખની જરૂર પડશે.
મહત્ત્વની બાબતો:
ટોપર્સ લિસ્ટ: CBSE એ કોરોના મહામારી બાદથી સત્તાવાર ટોપર્સ લિસ્ટ જાહેર કરવાનું બંધ કર્યું છે, જે આ વર્ષે પણ જારી કરવામાં આવ્યું નથી.
પાસિંગ માર્કસ: દરેક વિષયમાં પાસ થવા માટે ઓછામાં ઓછા 33 ટકા માર્કસ મેળવવા અનિવાર્ય છે.
રિ-વેલ્યુએશન: જે વિદ્યાર્થીઓ તેમના પરિણામથી સંતુષ્ટ નથી, તેઓ ગુણ ચકાસણી અથવા રી-ચેકિંગ માટે અરજી કરી શકે છે.
છેલ્લા 5 વર્ષની પાસિંગ ટકાવારી
2025: 88.39%
2024: 87.98%
2023: 87.33%
2022: 92.71%
2021: 99.37%
