લાતુર
કોચીંગ ક્લાસ હબ તરીકે જાણીતું છે
વાલીની ફરિયાદ બાદ પોલીસ દ્વારા કોચિંગ ક્લાસના સ્ટાફ સહિત છની પૂછપરછ
મુંબઈ –
મહારાષ્ટ્રના લાતુર
જિલ્લામાં પોલીસે કથિત નીટ પેપર લીકના સંબંધમાં કોચિંગ ક્લાસ સ્ટાફ સહિત છ
વ્યક્તિઓની પૂછપરછ કરી છે.
લાતુર શહેર કોચિંગ ક્લાસ હબ તરીકે જાણીતું છે
અને મહારાષ્ટ્રભરમાંથી વિદ્યાર્થીઓ અહીં અભ્યાસ કરવા આવે છે.
સબ-ડિવિઝનલ પોલીસ ઓફિસર સમીરસિંહ સાલ્વેએ જણાવ્યું હતું કે કુલ છ વ્યક્તિઓની પૂછપરછ
કરવામાં આવી હતી અને તેમના નિવેદનો નોંધવામાં આવ્યા હતા.
મંગળવારે એક સ્ટુડન્ટના વાલીએ સુપ્રિટેન્ડન્ટ ઓફ પોલીસની ઓફિસમાં
ફરિયાદ નોંધાવી હતી.જેમાં દાવો કરવામાં આવ્યો હતો કે લાતુરમાં એક ખાનગી કોચિંગ
ક્લાસ દ્વારા લેવામાં આવેલી મોક ટેસ્ટમાં ૪૨
પ્રશ્નો નીટમાં આપેલા પ્રશ્નો જેવા જ હતા.
સાલ્વેએ જણાવ્યું હતું કે તેમણે વિદ્યાર્થીઓ, કોચિંગ ક્લાસ સ્ટાફ
અને કાઉન્સેલરો સહિત છ વ્યક્તિઓની પૂછપરછ કરી હતી અને તેમના નિવેદનો નોંધ્યા હતા.
પોલીસે બે કોચિંગ ક્લાસમાંથી સીસીટીવી ફૂટેજ પણ જપ્ત કર્યા છે.
