Vadodara Fraud Case : વડોદરા ગોત્રી વિસ્તારમાં આવેલી ખાનગી કંપની સાથે ઓનલાઇન ઠગાઈનો કિસ્સો બનતા સાયબર સેલમાં ફરિયાદ કરવામાં આવી છે.
ગોત્રી સેવાસી રોડ પર આવેલી ઝાયડેક્સ ઇન્ડસ્ટ્રીઝ પ્રા લિ. નામની કંપનીના અધિકારીએ પોલીસને કહ્યું છે કે, અમારી કંપની દ્વારા મેક માય ટ્રીપનું વોલેટ રાખવામાં આવ્યું હતું. જેમાં રૂ.10 લાખ સુધીની લિમિટ હતી. કંપનીના અધિકારી બદલાતા અમે ઇમેલ અને પાસવર્ડ પણ બદલ્યા હતા.
આમ છતાં થોડા સમય પહેલા અમારી કંપનીના મેલ આઈડી અને પાસવર્ડ બદલીને કોઈ વ્યક્તિ દ્વારા મેક માય ટ્રીપના પોર્ટલ ઉપરથી ફ્લાઇટ અને ટ્રેન સહિતની 51 ટ્રીપ બુક કરાવી દેવામાં આવી હોવાની વિગતો જાણવા મળી હતી. જે ટ્રીપ પેટે અમારી કંપનીના વોલેટમાંથી રૂ.સાત લાખ ઉપરાંતની રકમ ઉપડી હતી.
ફરિયાદીએ કહ્યું છે કે,આ પૈકીની 11 ટ્રીપ અમે રદ કરાવી શક્યા હતા. સાયબર સેલે આ ફરિયાદને આધારે તપાસ શરૂ કરી છે.
