Vadodara : વડોદરા શહેરના ગોત્રી વિસ્તારમાં જાહેર માર્ગ પર મેડિકલ વેસ્ટનો જથ્થો ફેંકી દેવામાં આવતાં સ્થાનિક રહીશોમાં ભારે નારાજગી ફેલાઈ છે. રહીશોએ સમગ્ર મામલે તપાસ કરીને જવાબદાર વ્યક્તિ કે સંસ્થા સામે કડક કાર્યવાહી કરવાની માંગ કરી છે.
ગોત્રી વિસ્તારમાં આવેલા કલ્પવૃક્ષ કોમ્પ્લેક્સ સામે નવનાથનગર સોસાયટી તરફ જતા માર્ગ પર દવાઓ, ઇન્જેક્શન, ક્રીમ સહિતની વિવિધ મેડિકલ સામગ્રીનો જથ્થો પડેલો જોવા મળ્યો હતો. આ અંગે જાણ થતાં સ્થાનિક રહીશોમાં ચિંતા અને રોષની લાગણી ફેલાઈ હતી.
