Ahmedabad News: નરોડામાં આવેલી હોટલમાં વેઇટર તરીકે કામ કરતો નેપાળનો યુવક હોટલમાંથી રોકડા તથા મોબાઇલ સહિત કુલ રૂ. 3.60 લાખની ચોરી કરીને નાસી ગયો હતો. હોટલ સંચાલકે તેના 43 કર્મચારીઓને ભેગા કરતા તે હાજર ન હતો અને તેનો મોબાઇલ પણ બંધ હતો. સીસીટીવી ચેક કરતા તે હોટલના કાઉન્ટરમાંથી ચોરી કરતા કેમેરામાં કેદ થયો હતો. નરોડા પોલીસે ચોરીનો ગુનો નોંધી વધુ તપાસ હાથ ધરી છે.
હોટલ વેઇટર 3.60 લાખની ચોરી કરી ફરાર
નરોડામાં હંસપુરા પાસે રહેતા અને નરોડાની હોટલમાં મેનેજર તરીકે નોકરી કરતા યુવકે નરોડા પોલીસ સ્ટેશનમાં નેપાળના વતની અને તેમની હોટલમાં વેઇટર તરીકે નોકરી કરતા સબીન નેપાળી સામે ફરિયાદ નોંધાવી છે. આરોપી એક વર્ષ પહેલા ઓનલાઇન નંબર મેળવીને નોકરીએ આવ્યો હતો અને ત્યારથી ત્યાં વેઇટર તરીકે નોકરી કરતો હતો.
સીસીટીવીમાં કેદ થઈ કાઉન્ટરમાંથી ચોરીની ઘટના
તા. 07-06-2026ના રોજ રાતે હોટલ બંધ કરીને બધા કર્મચારીઓ ગયા હતા. બીજા દિવસે સવારે જ્યારે મેનેજર હોટલ પર આવ્યા ત્યારે કાઉન્ટરમાં રાખેલા રોકડા રૂ. 3.54 લાખ અને મોબાઇલ સહિત કુલ રૂ. 3.60 લાખની ચોરી કરીને વેઇટર નાસી ગયો હતો અને તેનો મોબાઇલ પણ સ્વીચ ઓફ કરી દીધો હતો. સીસીટીવી ચેક કરતા તે હોટલના કાઉન્ટરમાંથી ચોરી કરતા કેમેરામાં કેદ થયો હતો.
