રિપોર્ટર: અનુજ ઠાકર.
અમદાવાદના કર્ણાવતી ક્લબ ખાતે ટાફ (TAFF) ગ્રુપના સભ્યો માટે ગુજરાતી ફિલ્મ ‘કડકનાથ’નું વિશેષ સ્ક્રિનિંગ યોજાયું હતું. આ પ્રસંગે ટાફ ગ્રુપના અનેક સભ્યોએ હાજરી આપી ફિલ્મનો આનંદ માણ્યો હતો.
સ્ક્રિનિંગ દરમિયાન ફિલ્મની સમગ્ર ટીમ ઉપસ્થિત રહી હતી. ફિલ્મ પૂર્ણ થયા બાદ કલાકારો અને ટીમના સભ્યોએ હાજર રહેલા મહેમાનો સાથે આત્મીય સંવાદ કર્યો હતો. આ દરમિયાન તેમણે ફિલ્મના શૂટિંગના અનુભવો, પડકારો અને અનેક રસપ્રદ પ્રસંગો શેર કર્યા હતા. સભ્યોએ પણ ફિલ્મ અંગે પોતાના પ્રતિભાવો વ્યક્ત કર્યા અને ટીમ સાથે ખુલ્લા મનથી ચર્ચા કરી હતી.
કાર્યક્રમ દરમિયાન ટાફ ગ્રુપના એડમિન તન્મય શેઠ દ્વારા ફિલ્મની સમગ્ર ટીમનો પરિચય કરાવવામાં આવ્યો હતો. સાથે જ તેમણે ટીમનું સ્વાગત કરી તેમના યોગદાનની પ્રશંસા કરી હતી.
ફિલ્મની ટીમ સાથે મુલાકાત, તસવીરો અને આત્મીય વાતચીતના કારણે સમગ્ર કાર્યક્રમ યાદગાર બન્યો હતો. ટાફ ગ્રુપ દ્વારા સમયાંતરે ફિલ્મ, ફૂડ, આર્ટ અને કલ્ચર સાથે જોડાયેલા આવા કાર્યક્રમોનું આયોજન કરવામાં આવે છે, જેને સભ્યો તરફથી હંમેશા સારો પ્રતિસાદ મળતો રહે છે.
