નવી દિલ્હી : ભારતે નાણાકીય વર્ષ ૨૦૨૪-૨૫માં ૨૯.૫૨ ગીગાવોટ રિન્યુએબલ એનર્જીનો (આરઇ) ઉમેરો કર્યો છે, જે એક વિક્રમી વાર્ષિક ક્ષમતામાં વધારો છે, જે ૩૧ માર્ર્ચ સુધીમાં દેશની કુલ સ્થાપિત રિન્યુએબલ એનર્જી ક્ષમતાને ૨૨૦.૧૦ ગીગાવોટ સુધી લઈ જાય છે. અગાઉના નાણાકીય વર્ષમાં, દેશની સ્થાપિત રિન્યુએબલ એનર્જી ક્ષમતા ૧૯૮.૭૫ ગીગાવોટ હતી.
નવીનીકરણીય ઊર્જા સ્ત્રોતોમાં, સૌર ઊર્જાએ વર્ષના ક્ષમતા વિસ્તરણમાં સૌથી વધુ યોગદાન આપ્યું છે જેમાં ગયા નાણાકીય વર્ષમાં ૨૩.૮૩ ગીગાવોટ ઉમેરવામાં આવ્યું છે, જે અગાઉના વર્ષમાં ઉમેરાયેલા ૧૫.૦૩ ગીગાવોટ કરતાં નોંધપાત્ર વધારો છે, સત્તાવાર ડેટા મુજબ. કુલ સ્થાપિત સૌર ક્ષમતા હવે ૧૦૫.૬૫ ગીગાવોટ છે, જેમાં ગ્રાઉન્ડ-માઉન્ટેડ ઇન્સ્ટોલેશનમાંથી ૮૧.૦૧ ગીગાવોટ, રૂફટોપ સોલારથી ૧૭.૦૨ ગીગાવોટ, હાઇબ્રિડ પ્રોજેક્ટ્સના સૌર ઘટકોમાંથી ૨.૮૭ ગીગાવોટ અને ઑફ-ગ્રીડ સિસ્ટમ્સમાંથી ૪.૭૪ ગીગાવોટ સહિત છે.
નવી ક્ષમતાઓ ઉપરાંત, દેશે કેલેન્ડર વર્ષ ૨૦૨૪માં તેની સૌર મોડયુલ અને કોષોની ઉત્પાદન ક્ષમતામાં પણ વધારો કર્યો છે, જે આયાત પરની તેની નિર્ભરતામાં ઘટાડો કરે છે. મેરકોમના ડેટા મુજબ, ભારતે ૨૫.૩ ગીગાવોટ સોલર મોડયુલ ક્ષમતા અને ૧૧.૬ ગીગાવોટ સોલાર સેલ ક્ષમતાનો ઉમેરો કર્યો છે, જે મુખ્યત્વે સૌર પ્રોજેક્ટ પાઇપલાઇનની માંગ અને મૉડલ અને ઉત્પાદકોની મંજૂર સૂચિની પુન:સ્થાપના દ્વારા સંચાલિત છે.
દેશમાં FY24 માં ૩.૨૫ ગીગાવોટ ની સરખામણીમાં ૪.૧૫ ગીગાવોટ નવી પવન ક્ષમતાનો ઉમેરો થયો. કુલ સંચિત સ્થાપિત પવન ક્ષમતા હવે ૫૦.૦૪ ગીગાવોટ છે.
