અમદાવાદ, સંજીવ રાજપૂત, એબીએનએસ: એન.ડી.પી.એસ.ના ગુનામા સંડોવી દેવાના ઇરાદે ગુનાહિત કાવતરૂ રચી અલ્ટ્રાઝોલમ ડ્રગ્સનો પાવડર ઇકો ગાડીમા મુકનાર ઇસમોને ઝડપી પાડી ગુનાનો ભેદ વાડજ પોલીસે ઉકેલયો છે.
અમદાવાદ શહેરના વાડજ પોલીસ સ્ટેશનમા ગઇ તા-૦૪ ના રોજ પ્રધ્યુમન લુહારે પોલીસ કંન્ટ્રોલ રૂમમા ફોન કરી ઇકો ગાડીમાં શંકાસ્પદ પાવડર હોવા અંગેના કંન્ટ્રોલ મેસેજ કરેલ જે આધારે પોલીસ અધિકારીઓ સાથે વાડજ પોલીસની ટીમ પહોચી જઇ ફોન કરનાર પ્રધ્યુમન લુહાર નાએ પોલીસને ગાડીમાંથી પાવડરની પડીકીઓ નંગ-૧૦ શોધી આપી ગાડી માલીક વિરૂધ્ધમા કાર્યવાહીની અપેક્ષાએ હકીકત જણાવતા
સદરી પ્રધ્યુમન લુહારની ભુમિકા શંકાસ્પદ લાગતા સદરી બાબતે જા.જોગ નં-૩૨/૨૦૨૫ થી દાખલ કરી ઉંડાણ અને ખંત પુર્વક તપાસ કરવામાં આવી હતી. વાડજના પીઆઇ વી એમ ડાંગર, દ્વારા હકીકત જણાવ્યા મુજબ પ્રધ્યુમન લુહારનાએ જ તેના ઓળખીતા મિત્ર સંજય ઉર્ફે ડીડીઓ લુહાર મારફતે ગાડી માલીકને ડ્રગ્સના કેસમા ફસાવી દેવાના ઇરાદે ડ્રગ્સના પાવડરની પડીકીઓ મુકાવેલ હોવાનો ભેદ ઉકેલી સદર બનાવમા સંડોવાયેલ ઉપરોકત બંન્ને આરોપીઓને ઝડપી લઇ કાયદેસરની વાડજ પોલીસ દ્વારા પ્રશંસનીય કામગીરી કરવામાં આવેલ છે.
