Chemical Factory Fire in Pipalaj: અમદાવાદ શહેરના પીપળજમાં કેમિકલ ફેક્ટરીમાં વિકરાળ આગ ફાટી નીકળી છે. 100 થી વધુ ફાયર જવાનો સાથે ફાયર વિભાગની 25 ગાડીઓ એક બાદ એક ઘટનાસ્થળે દોડી આવી છે. સાંજથી લાગેલી આગ મોડી રાત્રી સુધી કાબૂમાં આવી નથી. પાણીનો મારો ચલાવીને આગને કાબૂ મેળવવાનો પ્રયાસ કરાઈ રહ્યો છે. દૂર દૂર સુધી આગના ધુમાડા જોવા મળ્યા. ઓઇલ-કેમિકલના કારણે આગ લાગી હોવાનું પ્રાથમિક અનુમાન છે. સતત કેમિકલ છૂટતા આગ બેકાબૂ બની છે. ચીફ ફાયર ઓફિસરે જણાવ્યું છે કે, હજુ પણ આગ કાબુમા આવવામાં બે થી ત્રણ કલાક લાગશે.
મળતી માહિતી અનુસાર, હર્ષ એન્ટરપ્રાઇઝ નામની કંપનીમાં આગ લાગી છે. આગ વધુ વિકરાળ બનતા ફાયર વિભાગ દ્વારા મેજર કોલ જાહેર કરાયો હતો. તમામ ફાયર સ્ટેશનથી ફાયર બ્રિગેડની ગાડીઓને પીપળજ ખાતે મોકલવામાં આવી છે. ફેક્ટરીમાં કોઈ ફસાયું હોય તેવી વિગત સામે આવી નથી. હાલ કોઈ જાનહાનિ ના સમાચાર નથી.
