Ahmedabad News: અમદાવાદના જાણીતા અને સતત ટ્રાફિકથી ધમધમતા ઈસ્કોન ચાર રસ્તા પાસે આજે એક મોટી આગની દુર્ઘટના સર્જાઈ છે. એક ગેસના બાટલામાં અચાનક ભયાનક આગ ફાટી નીકળી હતી. આગ એટલી ઝડપથી ફેલાઈ કે તેણે જોતજોતામાં વિકરાળ સ્વરૂપ ધારણ કરી લીધું હતું.
અનેક વાહનો આગની ઝપેટમાં
આ દુર્ઘટનાને કારણે ઈસ્કોન ચાર રસ્તાની આસપાસ પાર્ક કરેલા અનેક વાહનો આગની ઝપેટમાં આવી ગયા હતા અને જોતજોતામાં 9-10 જેટલા ટુવ્હીલર બળીને ખાક થઈ ગયા હતા. ઘટનાને પગલે આસપાસના વિસ્તારમાં ભારે અફરાતફરી અને દોડધામ મચી ગઈ હતી.
આ પણ વાંચો: ચોમાસાના આગમનની તારીખ કન્મફર્મ ! જાણો ગુજરાત સહિત કયા રાજ્યોમાં ક્યારે પડશે વરસાદ
વાઈડ એંગલની સામે આવેલા પાર્કિંગમાં બાઈક, એક્ટિવા અને એલપીજી સિલિન્ડરમાં આગ લાગી હતી. જેમાં કુલ પાંચ એક્ટિવા અને ચાર બાઈક બળી ગયા. આગને કાબૂમાં લેવા માટે પ્રહલાદનગરની બે ફાયર ટીમ, કુલ ચાર ગાડીઓ સાથે પહોંચી ગઈ હતી. જે બાદ પાણીનો સતત મારો ચલાવી આગ કાબૂમાં લેવાઈ હતી. પ્રાથમિક માહિતી મુજબ સદનસીબે આ ઘટનામાં કોઈ જાનહાનિ થઈ નથી.
