Arvind Kejriwal’s daughter wedding Photos : અરવિંદ કેજરીવાલની દીકરી હર્ષિતાના લગ્નની પહેલી તસવીર સામે આવી છે. જેમાં અરવિંદ કેજરીવાલે તેમની પુત્રીના લગ્નમાં સફેદ શેરવાની પહેરી હતી. જ્યારે સુનિતા કેજરીવાલ લાલ સાડીમાં જોવા મળી રહી છે.
આ તસવીરમાં અરવિંદ કેજરીવાલ, તેમની પત્ની સુનીતા કેજરીવાલ, પુત્રી હર્ષિતા, પુત્ર પુલકિત કેજરીવાલ, સંભવ જૈન અને તેમનો પરિવાર જોવા મળી રહ્યો છે. આ દરમિયાન વરરાજા અને કન્યાએ લગ્ન સમારોહમાં હાજર લોકોનું હાથ જોડીને સ્વાગત કર્યું અને તેમના આશીર્વાદ લીધા હતા.
સંભવ જૈન અને હર્ષિતાએ આઇઆઇટી દિલ્હીમાં સાથે અભ્યાસ કર્યો છે. બંનેએ થોડા દિવસ પહેલા સાથે મળીને એક સ્ટાર્ટઅપ શરુ કર્યું હતું. સગાઈ અને અન્ય વિધિઓ ગઈકાલે ગુરુવાર(17 એપ્રિલ)ના રોજ થઈ હતી. અરવિંદ કેજરીવાલ અને તેમની પત્ની સુનિતા કેજરીવાલ તેમની પુત્રીની સગાઈમાં નાચતા જોવા મળ્યા હતા.
17 એપ્રિલના રોજ યોજાયેલા કાર્યક્રમમાં ખૂબ ઓછા મહેમાનો હાજર રહ્યા હતા. પંજાબના સીએમ ભગવંત માને તેમાં ભાગ લીધો હતો. તે ડાન્સ કરતાં પણ જોવા મળ્યા હતા.
