અમદાવાદ, સોમવાર
ઓઢવમાં હિટ એન્ડ રનમાં વધુ એક યુવકને જીવ ગુમાવ્યો છે, જેમાં ઓઢવ બ્રિજ નીચે પૂર ઝડપે આવી રહેલા ડમ્પરના ચાલકે મોપેડને ટક્કર મારતા માથા સહિત શરીરે ગંભીર ઇજા થતાં યુવકનું ઘટના સ્થળે મોત થયું હતું તેમજ પિતરાઇ ભાઇને માથા સહિત શરીરે ગંભીર ઇજાઓ થતા સારવાર માટે હોસ્પિટલમાં દાખલ કરવામાં આવ્યો હતો. આ બનાવ અંગે ટ્રાફિક પોલીસે અજાણ્યા વાહન ચાલક સામે ગુનો નાંેધીને સીસીટીવી ફૂટેજ આધારે વધુ તપાસ શરુ કરી છે.
બે ભાઇ મોપેડ ઉપર કઠવાડા જમીને પરત જતા અકસ્માત ઃ ટ્રાફિક પોલીસે સીસીટીવી ફૂટેજ આધારે તપાસ હાથ ધરી
ઓઢવમાં ભવાની નગરના ટેકરા પાસે ચાલીમાં રહેતા અને ખાનગી કંપનીમાં નોકરી કરતો યુવક ગઇકાલે મોડી રાત્રે પોતાના પિતરાઇભાઇ સાથે કઠવાડા જમવા ગયા હતા. ત્યાંથી પરત ઘરે આવતા હતા ત્યારે ઓઢવ બ્રિજ નીચેથી પસાર થતા હતા આ સમયે ડમ્પર જેવા ભારે વાહન ચાલક પૂરઝડપે આવીને મોપેડને ટક્કર મારીને વાહન લઇને ભાગી ગયો હતો.
ત્યારે યુવકને માથા સહિત શરીરે ગંભીર ઇજાઓ થતા તેમનું ઘટના સ્થળે જ મોત થયું હતું. ત્યારે ઇજાગ્રસ્ત પિતરાઇ ભાઇને પણ માથા સહિત શરીરે ગંભીર ઇજાઓ થતાં સારવાર સિવિલ હોસ્પિટલમાં લઇ જવામાં આવ્યા હતા. આ ઘટના અંગે ટ્રાફિક આઇ ડિવિઝન પોલીસે અજાણ્યા વાહન ચાલક સામે ગુનો નાંેધીને સીસીટીવી ફૂટેજ આધારે વધુ તપાસ હાથ ધરી છે.
