મુંબઈ : ચાલુ નાણાકીય વર્ષ ૨૦૨૫-૨૬માં સ્વચ્છ ઉર્જા-ક્લિન એનજીૅ માટે મૂડી ઊભી કરવા ધસારો જોવા મળે એવા સંકેત છે. ક્લિન એનજીૅૅ ક્ષેત્રે કંપનીઓ દ્વારા રૂ.૨૫૦ અબજની ઈનિશિયલ પબ્લિક ઓફરિંગ (આઈપીઓ) લાવવા તૈયારી થઈ રહી છે.
આ આઈપીઓ માટેનો ધસારો રોકાણકારોની પર્યાવરણ પર ફોક્સ્ડ બિઝનેસો પ્રત્યે વધતાં આકર્ષણને પ્રતિબિંબિત કરે છે, જે મજબૂત નીતિ સમર્થન, ગ્રીનન પાવર માટેની વધતી જતી કોર્પોેરેટ માંગ અને ભારતના મહત્વાકાંક્ષી સ્વચ્છ ઉર્જા લક્ષ્યોને અનુરૂપ સ્થાનિક ક્ષમતા નિર્માણની જરૂરીયાતને કારણે છે.
સ્વચ્છ ઉર્જા ક્ષેત્ર મોટા મૂડી બજારમાં જોશ મેળવવા માટે તૈયારી કરી રહ્યું છે. રિન્યુએબલ એનજીૅ અને સૌર ઉત્પાદનની વેલ્યુ ચેઈનની કંપનીઓ ચાલુ નાણાકીય વર્ષમાં આઈપીઓ દ્વારા રૂ.૨૦૦ અબજથી રૂ.૨૫૦ અબજ એક્ત્ર કરવાની તૈયારી કરી રહી છે.
આ વધારો મજબૂત નીતિ સમર્થન, ગ્રીન પાવર માટેની વધતી જતી કોર્પોરેટ માંગ અને ભારતના મહત્વાકાંક્ષી સ્વચ્છ ઉર્જા લક્ષ્યોને અનુરૂપ સ્થાનિક ઉત્પાદન ક્ષમતા બનાવવાની જરૂરીયાતને કારણે આબોહવા કેન્દ્રિત બિઝનેસો માટે રોકાણકારોની વધતી જતી ઈચ્છાને પ્રતિબિંબિત કરે છે.
નાણાકીય વર્ષ ૨૦૨૫-૨૬માં સ્વચ્છ ઉર્જા-ક્લિન એનજીૅૅ મૂડી ઊભી કરવાની પહેલના અગ્રેસર રહેલી કંપનીઓમાં કેકેઆરનો સપોર્ટ ધરાવતી હીરો ફયુચર્સ એનજીૅ અને બુ્રકફિલ્ડની માલિકીની ક્લિન મેક્સ છે. જે બન્ને દરેક રૂ.૪૦૦૦ કરોડથી રૂ.૫૦૦૦ કરોડ જેટલી મૂડી ઊભી કરે એવી શકયતા છે.
મેન્યુફેકચરીંગ ક્ષેત્રે સોલાર મોડયુલ ઉત્પાદક અવાડા ગુ્રપની રૂ.૪૦૦૦ થી રૂ.૫૦૦૦ કરોડના આઈપીઓ અને બેંગ્લુરૂ સ્થિત ઈમ્મવી અને કોલકાતા સ્થિત જયુપીટર ઈન્ટરનેશનલ પણ દરેક રૂ.૨૫૦૦થી રૂ.૩૦૦૦ કરોડનો આઈપીઓ લાવે એવી શકયતા છે.
