અમદાવાદ, સોમવાર
પૂર્વ વિસ્તારમાં રફતારનો કહરે વધી રહ્યો છે, બેફામ વાહન હંકારવાના કારણે હિટ એન્ડ રન તથા અકસ્માતમાં મોતના બનાવો વધી રહ્યા છે, ખોખરામાં સેવન-ડે સ્કૂલ પાસે પગપાળા જઇ રહેલા અજાણ્યા યુવકને ટકકર મારીને વાહન ચાલકે ભાગી ગયો હતો. બેભાન હાલતમાં સિવિલ હોસ્પિટલમાં સારવાર લઇ રહેલા યુવકનું આઠ દિવસની સારવાર દરમિયાન મોત થયું હતું. આ બનાવ અંગ ટ્રાફિક પોલીસે અકસ્માતનો ગુનો નોંધીને સીસીટીવી ફૂટેજ આધારે વાહન ચાલક અને મૃતકના વાલી વારસની શોધખોળ હાથ ધરવામાં આવી રહી છે.
બેભાન હાલતમાં સિવિલમાં દાખલ કરાયેલો યુવક ભાનમાં જ આવ્યો નહી, આઠ દિવસની સારવાર દરમિયાન મોત નીપજ્યું
ટ્રાફિક આઇ ડિવિઝન પોલીસ સ્ટેશનમાં ફરજ બજાવતા હે.કો. જયેશભાઇએ અજાણ્યા વાહન ચાલક સામે ફરિયાદ નોંધાવી છે કે તા. ૧૯ના રોજ પી.એસ.ઓ તરફથી મેસેજ આવ્યો હતો કે ખોખરા હાટકેશ્વર પાસે સેવન-ડે સ્કૂલ સામે અજાણ્યા વાહન ચાલકને ટક્કર મારતા માથા સહિત શરીરે ગંભીર હાલતમાં સારવાર માટે સિવિલ હોસ્પિટલમાં દાખલ કરવામાં આવ્યો હતો.
પોલીસે સિવિલમાં જઇ તપરાસ કરતાં તે બેભાન હાલતમાં હતો બીજીતરફ આઠ દિવસની સારવાર બાદ મોત થતાં પોલીસે ગુનો નોંધીને સ્થળ પરના સીસીટીવી ફૂટેજ આધારે વાહન ચાલક અને મૃતક યુવકની ઓળખ પરખ કરવાની તથા વાલી વારસોની શોધખોળ હાથ ધરવામાં આવી રહી છેે.
