(પીટીઆઇ) યુનાઇટેડ નેશન્સ, તા. ૯
ઇઝરાયેલ અને હમાસની વચ્ચે બે વર્ષથી ચાલી રહેલા યુદ્ધ અને
ખોરાકની ભારે અછતને કારણે ગાઝામાં પાંચ વર્ષથી ઓછી ઉંમરના અંદાજે ૫૪૬૦૦થી વધુ
બાળકો કુપોષણથી પીડિત છે અને તેમાંથી ૧૨૮૦૦થી વધારે બાળકોની સ્થિતિ ગંભીર છે તેમ યુનાઇટેડ નેશન્સના એક નવા અભ્યાસમાં
જણાવવામાં આવ્યું છે.
પેલેસ્ટિનિયન શરણાર્થીઓને પ્રાથમિક આરોગ્ય સેવાઓ પૂરી પાડતી
સંસ્થા ‘યુએન
રિલીફ એન્ડ વર્ક્સ એજન્સી પેલ્સ્ટાઇન રેફ્યુજિસ ઇન ધ નિયર ઇસ્ટ‘ના વિશ્લેષણ
અનુસાર ઓગસ્ટની શરૃઆત સુધીમાં ગાઝામાં છ મહિનાથી લઇને પાંચ વર્ષ સુધીના લગભગ ૧૬
ટકા બાળકો કુપોષણના એક પ્રાણઘાતક સ્વરૃપથી પીડિત હતાં.
આ પ્રાણઘાતક કુપોષણને વેસ્ટિંગ (ખૂબ જ વધારે નિર્બળતા)
કહેવામાં આવે છે. જેમાંથી ચાર ટકા બાળક ગંભીર નબળાઇના શિકાર છે. વેસ્ટિંગની સારવાર
માટે અનેક સપ્તાહ સુધી પોષ્ટિક આહાર આપવાની જરૃર પડે છે અને ક્યારેક હોસ્પિટલમાં
દાખલ કરવાની પણ ફરજ પડે છે.
એક અગ્રણી મેગેઝિનમાં છપાયેલ આ અભ્યાસ આ વિસ્તારમાં
ભૂખમરાથી પીડિત બાળકોના સંબધમાં કરવામાં આવેલુ સૌથી વ્યાપક અભ્યાસ છે. આ સ્ટડી
જાન્યુઆરી, ૨૦૨૪થી
લઇને ઓગસ્ટના મધ્ય સુધી ગાઝાના અનેક સ્વાસ્થ્ય કેન્દ્રો પર લગભગ ૨,૨૦,૦૦૦ બાળકોની તપાસ
પર આધારિત હતો.
સ્ટડીમાં જણાવવામાં આવ્યું છે કે ગાઝામાં પાંચ વર્ષથી ઓછી ઉંમરના
લગભગ ૫૪૬૦૦થી વધારે બાળક કુપોષણથી પીડિત છે અને તેમાંથી ૧૨૮૦૦ બાળકોની સ્થિતિ ગભીર
છે.
સ્ટડીના મુખ્ય વૈજ્ઞાાનિક ડો. માસાકો હોરિનોએ એક નિવેદનમાં જણાવ્યું
છે કે ગાઝા પટ્ટીમાં હજારો પ્રિ સ્કૂલની ઉંમરના બાળકો ગંભીર કુપોેષણથી પીડિત છે જેને
રોકવું શક્ય હતું. આ બાળકોમાં મોતનો ખતરો વધી ગયો છે.
