| પ્રતિકાત્મક તસવીર |
Gandhinagar News : ભારત સરકારના ગૃહ મંત્રાલય દ્વારા તાજેતરમાં પ્રસિદ્ધ કરવામાં આવેલી યાદી મુજબ, ગુજરાત કેડરના બે વરિષ્ઠ આઈપીએસ (IPS) અધિકારીઓને કેન્દ્રમાં આઈજી (IG – Inspector General) કક્ષાના પદ માટે એમ્પેનલ કરવામાં આવ્યા છે. આ નિમણૂક પ્રક્રિયાને કેબિનેટની નિમણૂક સમિતિ (ACC) દ્વારા મંજૂરી આપવામાં આવી છે.
ગૃહ મંત્રાલયે યાદી જાહેર કરી
ભારત સરકારના ગૃહ મંત્રાલયના પોલીસ-I ડિવિઝન દ્વારા 17 ફેબ્રુઆરી, 2026ના રોજ એક મહત્વનો ઓર્ડર જારી કરવામાં આવ્યો છે. આ ઓર્ડર મુજબ દેશભરના કુલ 13 આઈપીએસ અધિકારીઓને કેન્દ્રમાં ઇન્સ્પેક્ટર જનરલ (IG) અથવા તેને સમકક્ષ પદ ધારણ કરવા માટે લાયક ગણવામાં આવ્યા છે, જેમાં ગુજરાત કેડરના બે અધિકારીઓનો સમાવેશ થાય છે.
ગુજરાત કેડરના આ અધિકારીઓની થઈ પસંદગી:
1. આર. વી. અસારી (R V Asari): તેઓ 2006ની બેચના ગુજરાત કેડરના આઈપીએસ અધિકારી છે. તેમનું નામ ‘First Review’ અંતર્ગત આઈજી પદ માટે એમ્પેનલ કરવામાં આવ્યું છે.
2. અશોક કુમાર (Ashok Kumar): તેઓ 2003ની બેચના ગુજરાત કેડરના આઈપીએસ અધિકારી છે. તેમનું નામ ‘Second Review’ અંતર્ગત આ યાદીમાં સામેલ કરવામાં આવ્યું છે.
આ એમ્પેનલમેન્ટ બાદ હવે આ બંને અધિકારીઓ કેન્દ્ર સરકારમાં ડેપ્યુટેશન પર જઈ શકશે અને ત્યાં આઈજી અથવા તેને સમકક્ષ મહત્વની જવાબદારીઓ સંભાળી શકશે.
ગુજરાત કેડરના બે અધિકારીઓનો સમાવેશ
વરિષ્ઠ પોલીસ અધિકારીઓની અછતને દૂર કરવાના હેતુથી એક મહત્વપૂર્ણ પગલું લેતા, કેબિનેટની નિમણૂક સમિતિ (ACC) એ 13 ભારતીય પોલીસ સેવા (IPS) અધિકારીઓને કેન્દ્રમાં ઇન્સ્પેક્ટર જનરલ (IG) અથવા તેના સમકક્ષ રેન્ક પર નિમણૂક માટે મંજૂરી આપી છે. વડાપ્રધાન નરેન્દ્ર મોદીની અધ્યક્ષતામાં ACC દ્વારા કેન્દ્રીય ગૃહ મંત્રાલય (MHA) ના પ્રસ્તાવ પર આ નિર્ણય લેવામાં આવ્યો છે. આ નિમણૂકો ‘ફર્સ્ટ રિવ્યુ’, ‘સેકન્ડ રિવ્યુ’ અને ‘ઇનિશિયલ ડેફર્ડ’ જેવી વિવિધ કેટેગરી હેઠળ કરવામાં આવી છે.
કેન્દ્રીય ગૃહ મંત્રાલય દ્વારા બહાર પાડવામાં આવેલા આદેશ અનુસાર, વિવિધ બેચ અને કેડરના અધિકારીઓને સ્થાન મળ્યું છે.
1. પ્રથમ સમીક્ષા (First Review)
આ શ્રેણીમાં 2001 અને 2006 બેચના 8 અધિકારીઓની પસંદગી કરવામાં આવી છે:
મનોજ કૌશિક (2001 બેચ, ઝારખંડ કેડર)
ડુંબરે મિલિંદ મહાદેવ (2006 બેચ, AGMUT કેડર)
એસ. પ્રેમલતા (2006 બેચ, બિહાર કેડર)
આર. વી. અસારી (2006 બેચ, ગુજરાત કેડર)
ચંદ્ર કિશોર મીના (2006 બેચ, મહારાષ્ટ્ર કેડર)
બી. સુમતી (2006 બેચ, તેલંગાણા કેડર)
આકાશ કુલહારી (2006 બેચ, ઉત્તર પ્રદેશ કેડર)
મનોજ કુમાર (2006 બેચ, ઉત્તર પ્રદેશ કેડર)
2. દ્વિતીય સમીક્ષા (Second Review):
બીજી સમીક્ષા હેઠળ 2003 બેચના 4 અધિકારીઓને મંજૂરી અપાઈ છે:
અખિલેશ કુમાર સિંહ (આસામ-મેઘાલય કેડર)
અશોક કુમાર (ગુજરાત કેડર)
એચ. થાંગહૌલિયન ગાંગટે (મણિપુર કેડર)
મનોજ તિવારી (સિક્કિમ કેડર)
3. ઇનિશિયલ ડેફર્ડ (Initial Deferred):
ધ્રુવ ગુપ્તા (2005 બેચ, છત્તીસગઢ કેડર)
મહત્વની સ્પષ્ટતા અને નિમણૂક પ્રક્રિયા
ગૃહ મંત્રાલયે નોટિફિકેશનમાં સ્પષ્ટ કર્યું છે કે, યાદીમાં અધિકારીઓના નામનો ક્રમ તેમની ‘ઇન્ટર-સે સિનિયોરિટી’ (આંતરિક વરિષ્ઠતા) દર્શાવતો નથી.
હવે આગળ શું?
હવે આ અધિકારીઓ કેન્દ્રમાં IGP (ઇન્સ્પેક્ટર જનરલ ઓફ પોલીસ) સ્તર પર પેનલ થઈ ગયા હોવાથી, તેઓ નીચેની જગ્યાઓ પર નિમણૂક મેળવવા માટે પાત્ર બન્યા છે. જેથી કેન્દ્ર સરકાર તેમને તેમના હોદ્દા અનુરૂપ વિવિધ સેવામાં સ્થાન આપશે. આ અધિકારીઓને સેન્ટ્રલ આર્મ્ડ પોલીસ ફોર્સ (CAPFs), સેન્ટ્રલ પોલીસ ઓર્ગેનાઈઝેશન (CPOs), અન્ય કેન્દ્રીય ડેપ્યુટેશન પોસ્ટ્સમાં સ્થાન આપી શકે છે. આ નિમણૂકો ખાલી જગ્યાઓની ઉપલબ્ધતા અને નિયમો અનુસાર આગળની મંજૂરીઓને આધીન રહેશે તેવી પણ સ્પષ્ટતા કરવામાં આવી છે.
