બંને દેશોએ યુદ્ધવિરામ ફગાવીને એકબીજા પર હુમલા કર્યા
ફરી શરૂ થયેલી લડાઈમાં મોટાપાયે જાનહાનિ, થાઈલેન્ડ અને કમ્બોડિયા ફાઈટર વિમાનો અને ડ્રોન દ્વારા એકબીજા પર ભીષણ હુમલા કયા
નવી દિલ્હી: થાઈલેન્ડ અને કમ્બોડિયા વચ્ચે છેલ્લા છ દિવસથી ચાલી રહેલા ઘમાસાણને કારણે અમેરિકી પ્રમુખ ડોનાલ્ડ ટ્રમ્પના યુદ્ધવિરામનો દાવો હવા હવાઈ સાબિત થયો હતો. ટ્રમ્પે દાવો કર્યો હતો કે બંને દેશોએ તેમની અને મલેશિયાના વડા પ્રધાન અનવર ઈબ્રાહિમની મધ્યસ્થતાથી શાંતિપૂર્ણ સમાધાન અને લડાઈ રોકવા પર સહમતિ દર્શાવી છે. પણ આ જાહેરાત થોડા જ કલાકોમાં બિનઅસરકારક સાબિત થઈ અને બંને દેશોએ એકબીજા પર ઘાતક હુમલા કર્યા છે જેમાં મોટાપાયે જાનહાનિ થયાના સમાચાર છે.
