કુડાસ
ણની ઉમિયા ઓવરસીઝ સામે વધુ એક ફરિયાદ
બેલેન્સ કરાવ્યા બાદ ચેક બાઉન્સ કરાવીને ઉચાપત કરી ઃ છ સામે ગુનો દાખલ કરવામાં આવ્યો ઃ કંપનીએ અગાઉ કરોડોની છેતરપિંડી આચરી હતી
ગાંધીનગર : ગાંધીનગરના કુડાસણમાં આવેલી ઉમિયા ઓવરસીઝ એજ્યુકેશન લિમિટેડ
દ્વારા લોકોને વિઝા આપવાના બહાને કરોડો રૃપિયાની છેતરપિંડી કરવામાં આવી છે ત્યારે
આ વખતે માણસાના બાપુપુરા ખાતે રહેતા ખેડૂત પરિવારને પણ છેતરવામાં આવ્યું હોવાનું
બહાર આવ્યું છે. જે સંદર્ભે ઇન્ફોસિટી પોલીસ મથકમાં વધુ એક ગુનો દાખલ કરવામાં
આવ્યો હતો.
લોકોને વિદેશ મોકલવાના બહાને હાલ એજન્ટ દ્વારા લાખો કરોડો
રૃપિયાની છેતરપિંડી કરવામાં આવી રહી છે ત્યારે કુડાસણમા આવેલી ઉમિયા ઓવરસીઝના
સંચાલક દંપતિ દ્વારા અત્યાર સુધીમાં સંખ્યાબંધ લોકો પાસેથી કરોડો રૃપિયા ઉઘરાવી
લેવામાં આવ્યા છે અને જેની ફરિયાદો પણ થઈ રહી છે ત્યારે આ વખતે માણસાના બાપુપુરા
ખાતે રહેતા ભરતભાઈ રમણભાઈ પ્રજાપતિ સાથે છેતરપિંડી કરવામાં આવી છે. જે ઘટના
સંદર્ભે તેમણે નોંધાવેલી ફરિયાદ પ્રમાણે તેમના પુત્ર અપૂર્વ અને વહુ ફેમીલીને વર્ષ
૨૦૨૦માં કેનેડાના પી.આર વિઝા લેવાના હોવાથી મિત્ર ભાવેશભાઈ પટેલ મારફતે ઉમિયા
ઓવરસીઝના અંકિત શૈલેષભાઈ પટેલ અને વિશાલ મહેશભાઈ પટેલનો સંપર્ક કર્યો હતો. જેમણે
૧૮ મહિનામાં વિઝા વલાવી આપવાનો વાયદો કરીને ૬૦ લાખ ફી નક્કી કરી હતી. જેમાં ટોકન
પેટે ૨૫ લાખ રોકડા અને ચેક લીધા હતા. માર્ચ ૨૦૨૩ના અંતમાં અંકિત પટેલે વીઝા
પ્રક્રિયાના ભાગરૃપે અપૂર્વના બેન્ક એકાઉન્ટમાં ૪૧.૩૯ લાખ બેલેન્સ બતાવવું જરૃરી
હોય તેમ કહી સિક્યુરિટી પેટે અપૂર્વના ૨૧ કોરા ચેક લીધા હતા અને ટાઈગર ઓવરસીઝ
કંપનીના ખાતામાંથી રૃપિયા આરટીજીએસ કરાવ્યા હતા. બેલેન્સ બતાવવાનું કામ પતી ગયા
પછી અંકિત પટેલે આ રકમ મહેશકુમાર પટેલ અને ઉમંગ પટેલના એકાઉન્ટમાં પરત જમા કરાવી
દીધી હતી ત્યારબાદ ડિસેમ્બર ૨૦૨૩માં અંકિતે વિઝા આવી ગયા હોવાનું કહીને પાસપોર્ટ
પ્રિન્ટિંગમાં હોવાની જાણ કરી માણસા આંગડિયા પેઢી મારફતે ૩૫ લાખ જમા કરાવડાવ્યા
હતા. જોકે આ દંપતી કેનેડા પહોંચી ગયા બાદ હિસાબ પતી ગયા પછી ભરતભાઈએ ચેક પરત
માગ્યા હતા. જોકે તેની ઉપર ફરિયાદો થઈ હોવાથી પછી ચેક મોકલી આપશે તેમ કહ્યું હતું.
ત્યારે ભરતભાઈને ટાઈગર ઓવરસીઝ કંપની તરફથી નોટિસ મળી હતી અને તેમના પુત્રના
ખાતામાં નાખવામાં આવેલા ૪૧.૩૯ લાખના ચેક પરત થયા હોવાનું કહી ધમકી આપવામાં આવી
હતી. જેથી તેમની સાથે છેતરપિંડી થઈ હોવાનું જણાતા ઇન્ફોસીટી પોલીસ મથકમાં છ
વ્યક્તિઓ સામે ગુનો દાખલ કરવામાં આવ્યો છે.
