Police Cardiac Attack : અમદાવાદ જિલ્લાના ધોળકા તાલુકામાં વટામણ ગામના મૂળ વતની તેમજ હાલ દક્ષિણ ગુજરાતમાં તાપી જિલ્લા પોલીસ હેડ ક્વાર્ટરમાં એએસઆઈ તરીકે ફરજ બજાવતા કરણસિંહ અમરસિંહ ગોહિલ ઉંમર વર્ષ 56 ગઈકાલે હેડક્વાર્ટરમાંથી છૂટીને વડોદરા શહેરમાં પોલીસ તાલીમ શાળામાં તાલીમ લેવા માટે પોતાની કારમાં નીકળ્યા હતા.
પોર નેશનલ હાઇવેના ફ્લાય ઓવર બ્રિજ ઉપર અચાનક તેમને છાતીમાં દુખાવો થતાં કાર સાઈડ ઉપર ઉભી રાખી હતી અને નજીકમાંથી પસાર થતાં એક બાઈક ચાલકને રોકી તેની મદદથી પોરની એક ખાનગી હોસ્પિટલમાં સારવાર માટે ગયા હતા ત્યાંથી બીજી હોસ્પિટલમાં ગયા બાદ તેઓનું મોત નિપજ્યું હતું. આ અંગે વરણામા પોલીસે અકસ્માત મોતની નોંધ કરી કાયદેસરની કાર્યવાહી હાથ ધરી છે.
