રાલેજ, તા. ૨૫ જૂન ૨૦૨૬ : ગુજરાત સરકારના શિક્ષણલક્ષી અભિગમ અંતર્ગત શ્રીમતી કે. ડી. પટેલ હાઈસ્કૂલ, રાલેજ, તા.ખંભાત ખાતે કન્યા કેળવણી મહોત્સવ તથા પ્રગતિનો પ્રવેશોત્સવ-૨૦૨૬નું ભવ્ય આયોજન કરવામાં આવ્યું.
કાર્યક્રમમાં આણંદ જિલ્લા ભાજપ પ્રમુખશ્રી સંજયભાઈ પટેલ સાહેબ, મામલતદારશ્રી જયદેવભાઈ વાંક સાહેબ, જિલ્લા ઉદ્યોગ કેન્દ્ર આણંદના સિનિયર ઉદ્યોગ નિરીક્ષક શ્રી વી. એફ. માહલા સાહેબ, શ્રી બીપીનભાઈ પટેલ, શ્રીમતી નિમિષાબેન, ડી.ઓ. ઓફિસ આણંદના ઈ.આઈ. શ્રીધારાબેન, એ.ઈ.આઈ. શ્રી ધર્મેશભાઈ, કેળવણી મંડળના કારોબારી સભ્યો, શિક્ષકશ્રીઓ, ગામના આગેવાનો, વાલીગણ, દાતાશ્રીઓ તથા વિદ્યાર્થીઓ મોટી સંખ્યામાં ઉપસ્થિત રહ્યા.
🪔 કાર્યક્રમનો પ્રારંભ દીપ પ્રાગટ્ય અને પ્રાર્થના સાથે કરવામાં આવ્યો. નવપ્રવેશી વિદ્યાર્થીઓનું અક્ષત-કુમકુમથી તિલક કરી, મીઠું કરાવી તથા 🎒 શિક્ષણ સામગ્રી અર્પણ કરી હર્ષોલ્લાસપૂર્વક સ્વાગત કરવામાં આવ્યું. વિદ્યાર્થીઓ દ્વારા 🔬 વિજ્ઞાન-ટેકનોલોજી તેમજ 🎯 શિષ્યવૃત્તિ અને સહાય યોજનાઓ વિષયક વક્તવ્ય રજૂ કરવામાં આવ્યું.
🏫 શાળાના આચાર્ય ડૉ. કે. એમ. પટેલ સાહેબ દ્વારા શાળાનો પરિચય આપી શૈક્ષણિક, સાંસ્કૃતિક અને સહઅભ્યાસિક પ્રવૃત્તિઓ ક્ષેત્રે વિદ્યાર્થીઓનું યોગદાન તથા નવીન પ્રવેશ મેળવનાર વિદ્યાર્થીઓ અને વાલીઓનું સ્વાગત કરી શિક્ષણના મહત્વ વિશે માર્ગદર્શન આપવામાં આવ્યું.
🏆 આ પ્રસંગે શાળાના વિકાસમાં યોગદાન આપનાર દાતાશ્રીઓ, મહાનુભાવો તથા વિશેષ સિદ્ધિ મેળવનાર વિદ્યાર્થીઓનું સન્માન કરવામાં આવ્યું.
🎤 મુખ્ય મહેમાન શ્રી જયદેવભાઈ વાંક સાહેબે શાળાની કામગીરીને બિરદાવી વાલીઓને વિદ્યાર્થીઓનો અભ્યાસ પૂર્ણ કરાવવા માટે પ્રેરિત કર્યા.
🎙️ કાર્યક્રમના અધ્યક્ષ શ્રી સંજયભાઈ પટેલ સાહેબે પોતાના ઉદ્બોધનમાં “શિક્ષણ જ વ્યક્તિ, સમાજ અને રાષ્ટ્રના વિકાસનું શક્તિશાળી સાધન” વિષય પર વક્તવ્ય રજૂ કરી વિદ્યાર્થીઓને શિસ્ત, સમયપાલન, સદાચાર અને મહેનતના મૂલ્યો અપનાવી જીવનમાં સફળતા પ્રાપ્ત કરવા પ્રેરિત કર્યા.
🙏 અંતે શ્રીમતી કે. જે. શાહ (મ.શિ.) દ્વારા આભારવિધિ રજૂ કરવામાં આવી હતી. 🚸 માર્ગ સલામતી અંગે સંકલ્પ ગ્રહણ કરાવી 🇮🇳 રાષ્ટ્રગીત સાથે કાર્યક્રમનું સમાપન કરવામાં આવ્યું હતું.
🌱 ત્યારબાદ મહાનુભાવો દ્વારા શાળા પરિસરમાં વૃક્ષારોપણ કરવામાં આવ્યું.
✨ સમગ્ર કાર્યક્રમ સફળતાપૂર્વક સંપન્ન થયો હતો. કાર્યક્રમનું સંચાલન ધોરણ-૯ના વિદ્યાર્થી વિશ્વા અને અર્જુનસિંહ દ્વારા કરવામાં આવ્યું હતું.
📚🌳 શિક્ષણના વ્યાપક પ્રસાર અને વિદ્યાર્થીઓના ઉજ્જવળ ભવિષ્ય માટે આ કાર્યક્રમ પ્રેરણાદાયી અને યાદગાર બની રહ્યો.
