Baroda Dairy : વડોદરા શહેરમાં આવેલી બરોડા ડેરીમાં ચૂંટણી અંગે મતદાન બાબતે અગાઉ થયેલા ઠરાવ બાદ ઠરાવ બુકમાં વધુ એક ઠરાવ થઈ જતા બરોડા ડેરીની ચૂંટણીમાં મતદાન અંગે વિવિધ આક્ષેપો શરૂ થયા છે. પરિણામે આજે બપોરે 1 વાગ્યાના સુમારે વહીવટી તંત્ર દ્વારા બંને પક્ષોની રજૂઆત સાંભળવાની પ્રક્રિયા કરવામાં આવી હતી.
અત્રે ઉલ્લેખનીય છે કે, બરોડા ડેરીની ચૂંટણી માટે મતદાન અંગે અગાઉ ઠરાવ બુકમાં એક ઠરાવ કરાયો હતો. પરંતુ ઠરાવ બુકમાં વધુ એક ઠરાવ બીજો આવી જતા મિલી ભગતની આશંકા શરૂ થઈ છે.
બરોડા ડેરીની ચૂંટણીના મતદાનમાં ગોટાળા થવાની શક્યતા પણ નકારી શકાતી નથી. બરોડા ડેરીમાં ચૂંટણી અંગે ચૂંટણી અધિકારીની નિમણૂક પણ થઈ ગઈ છે. છતાં પણ તેમના દ્વારા ચૂંટણી પ્રક્રિયા નહીં કરાતા ચૂંટણી અંગે અન્ય દ્વારા પ્રક્રિયા કરવામાં આવે છે. આ અંગે જાતજાતના આક્ષેપો થતા ચૂંટણી તંત્ર દ્વારા આજે બપોરે 1 વાગ્યાના સુમારે બંને પક્ષોની રજૂઆત સાંભળી હતી.
