– 3 શખ્સોની ધરપકડ, એક ફરાર
– પશુઓ, વાહન, તાડપત્રી, મોબાઇલ સહિત રૂપિયા 4.60 લાખનો મુદ્દામાલ જપ્ત કરાયો
આણંદ : આણંદ જિલ્લાના ભાલેજ ગામથી પીક અપ ડાલામાં કતલ કરવાના ઇરાદે લઇ જવાતા સાત પશુઓને પોલીસે બચાવી લીધા હતા.ત્રણ આરોપીને પોલીસે પકડી પાડયા હતા અને એક ફરારને પકડવા માટે કવાયત હાથ ધરી છે. પશુઓ, વાહન સહિત ૪.૬૦ લાખનો મુદ્દામાલ કબજે કર્યો છે.
ભાલેજ પોલીસ સ્ટેશનનો સ્ટાફ પશુઓની ગેરકાયદે હેરાફેરી અટકાવવા માટે પેટ્રોલિંગમાં હતો તે દરમિયાન બાતમી મળી હતી અને ભાલેજ- આણંદ ચોકડી પરથી પશુઓ ભરેલું પીક અપ ડાલુ પસાર થવાનું હોવાના આધારે વોચ ગોઠવી હતી.
બાતમીવાળુ ડાલુ આવતા ઉભુ રખાવીને તપાસ કરતા પાંચ પાડા અને ત્રણ ભેંસ ખીચોખીચ ભરી હતી અને વાહનમાં ઘાસચારો કે પાણી, માટી હવાની વ્યવસ્થાન ન હતી અને સક્ષમ અધિકારીનું પ્રમાણપત્ર નહીં ગેરકાયદે પશુઓની હેરાફેરી કરતા પીકઅપ ડાલાના ચાલક જાકીરમહંમદ ગુલમહંમદ લીલઘર તથા તેની સાથે બેઠેલ સોહેલ બીસ્મીલ્લાખાન શેખ ( બંને રહે. અમદાવાદ ) પકડી પાડયા હતા. બંને સામે ગુનો દાખલ કર્યો હતો. પશુઓ વેચનાર આરોપી કાલુ અલ્લારખા કુરેશી( રહે. ભાલેજ કુરેશી મહોલ્લા, તા. ઉમેરેઠ)ને ઝડપી પાડયા હતા.
જયારે રૂકનુદ્દીન મહંમદયુસુફ કુરેશી (રહે.મીર્ઝાપુર વિસ્તાર, અમદાવાદ)ને પકડવા માટે કવાયત હાથ ધરી છે.
આ ઉપરાંત પશુઓ, વાહન, તાડપત્રી, મોબાઇલ ફોન સહિત ૪.૬૦ લાખનો મુદ્દામાલ જપ્ત કરાયો છે.
