Ola and Uber drivers on strike in Mumbai : મુંબઈમાં ઓલા અને ઉબેરના ભાગીદારોએ આજે મંગળવારે (15 જુલાઈ, 2025) ભાડામાં તર્કસંગતતા અને અન્ય મુખ્ય માંગણીઓને લઈને હડતાળ પર ઉતર્યા હતા. જેમાં મહારાષ્ટ્રભરમાંથી હજારો ડ્રાઇવરો વિરોધ પ્રદર્શન માટે આઝાદ મેદાન ખાતે એકઠા થયા હતા. આ દરમિયાન ફૂડ એગ્રીગેટર એપ્સના ગિગ વર્કર્સ પણ તેમની સાથે હાજર હતા. તેવામાં અનેક ડ્રાઈવરોએ મુંબઈના મુસાફરોને ધમકાવ્યા અને પોતાની કેબ અને ઓટોમાંથી ઉતાર્યા હોવાની ઘટના સામે આવી છે. વિરોધ કરનારા ડ્રાઈવરોની માગમાં બાઈક અને ટેક્સીઓ પર સંપૂર્ણ રીતે રોક લગાવાનો પણ સમાવેશ થાય છે.
