મુંબઈ : મુંબઈ ઝવેરી બજારમાં આજે સોના-ચંદીના ભાવમાં ઘટાડો જોવા મળ્યો હતો. નવી માગ ધીમી હતી. વિશ્વ બજાર ઘટતાં ઘરઆંગણે વેચવાનું માનસ રહ્યું હતું. વિશ્વ બજારમાં સોનાના ભાવ ઔંસના ૪૭૦૯થી ૪૭૧૦ વાળા ઘટી નીચામાં ભાવ ૪૬૭૨ થઈ ૪૭૦૩થી ૪૭૦૪ ડોલર રહ્યા હતા. ફંડોનું સેલીંગ વધ્યું હતું. ઈરાન તથા અમેરિકા વચ્ચે હવે બનાવો કેવો વળાંક લે છે તેના પર બજારની નજર રહી હતી.
જોકે ક્રૂડ તેલના ભાવ ઉછળી બેરલના ૧૦૮ ડોલર ઉપર ગયાના વાવડ હતા. દરમિયાન, અમદાવાદ ઝવેરી બજારમાં આજે સોનાના ભાવ ૧૦ ગ્રામના રૂ.૫૦૦ ઘટી ૯૯૫ના રૂ.૧૫૫૨૦૦ તથા ૯૯૯ના રૂ.૧૫૫૫૦૦ રહ્યા હતા. અમદાવાદ ચાંદીના ભાવ કિલોના રૂ.૨૪૫૦૦૦ રહ્યા હતા. વિશ્વ બજારમાં ચાંદીના ભાવ ઔંસના ૭૫.૭૨થી ૭૫.૭૩ વાળા ઘટી નીચામાં ભાવ ૭૪.૭૪ થઈ ૭૫.૩૨થી૭૫.૩૩ વાળા ઘટી નીચામાં ભાવ ૭૪.૭૪ થઈ ૭૫.૩૨થી ૭૫.૩૩ ડોલર રહ્યા હતા.
પ્લેટીનમના ભાવ વિશ્વ બજારમાં ઔંસના ૨૦૧૭થીસ ૨૦૧૮ વાળા નીચામાં ૧૯૯૩ થઈ ૨૦૦૨થી ૨૦૦૩ ડોલર રહ્યા હતા. પેલેડીયમના ભાવ ૧૪૯૫થી ૧૧૪૯૬ વાળા નીચામાં ભાવ ૧૪૭૮ થઈ ૧૪૮૩થી ૧૪૮૪ ડોલર રહ્યા હતા.
મુંબઈ બુલિયન બજારમાં આજે સોનાના ભાવ રૂ.૩૦૦થી ૪૦૦ ઘટયા હતા. મુંબઈ ચાંદીના ભાવ આજે રૂ.૧૦૦૦ ઘટયા હતા. પ્લેટીનમના ભાવ ૧૦ ગ્રામદીઠ રૂ.૬૫૦૧૮ થઈ રૂ.૬૪૭૩ રહ્યા હતા. મુંબઈ સોનાના ભાુવવ ઘટી જીએસટી વગર ૯૯૫ના રૂ.૧૫૦૫૮૧ તથા ૯૯૯ના રૂ.૧૫૧૧૮૬ રહ્યા હતા જ્યારે મુંબઈ ચાંદીના ભાવ ઘટી જીએસટી વગર રૂ.૨૪૩૭૨૦ રહ્યા હતા.
મુંબઈ સોના-ચાંદીમાં જીએસટી સાથેના ભાવ આ ભાવથી ત્રણ ટકા ઉંચા રહ્યા હતા. દરમિયાન વિશ્વ બજારમાં બ્રેન્ટ ક્રૂડ તેલના ભાવ બેરલના ૧૦૫.૩૩થી વધી ઉંચામાં ભાવ ૧૦૮.૫૦ થઈ ૧૦૬.૯૯ ડોલર રહ્યા હતકા. જ્યારે યુએસ ક્રૂડના ભાવ ઉંચામાં ૯૭.૧૦ થઈ ૯૬.૧૦ ડોલર રહ્યા હતા.
ઈરાન તથા અમેરિકા વચ્ચે શાંતિ મંત્રણામાં મડાગાંઠ સર્જાતાં વિશ્વ બજારમાં ક્રૂડતેલના ભાવ ઉછળતા દેખાયા હતા.ત દરમિયાન, અમેરિકાના વ્યુહાત્મક ઓઈલ રિઝર્વમાં યુરોપની ઓઈલ માટેની માગ તાજેતરમાં વધી હોવાના નિર્દેશો મળ્યા હતા.
