વડોદરાઃ એમ.એસ.યુનિવર્સિટીની સાયન્સ ફેકલ્ટી અને ડી એન હોલ મેદાનની આસપાસના વિસ્તારને જોડતા ભૂખી કાંસ પરના લોઅર બ્રિજના વિકલ્પ તરીકે નવો બ્રિજ બનાવવાની દરખાસ્ત આખરે મંજૂર થઈ છે.
જાણવા મળતી વિગતો પ્રમાણે પાંચ કરોડ રુપિયાના ખર્ચે ભૂખી કાંસ પર લોઅર બ્રિજની ઉપર જ નવો બ્રિજ બનાવવામાં આવશે.જોકે ગાયકવાડી સમયના લોઅર બ્રિજને યથાવત રાખવામાં આવશે પણ નવો બ્રિજ બન્યા બાદ તેના પરથી વિદ્યાર્થીઓની અવર જવર બંધ કરાશે.
નવા બ્રિજની ડિઝાઈન કમાટીબાગમાં ઝુલતા પુલની જગ્યાએ બનેલા કેબલ સ્ટ્રે બ્રિજ જેવી હશે.આ બ્રિજની લંબાઈ ૬૨ મીટર અને પહોળાઈ ૭.૫૦ મીટર હશે.માર્ચ મહિના સુધીમાં બ્રિજ માટે ટેન્ડર બહાર પાડી દેવાશે અને ટેન્ડર મંજૂર થયા બાદ એક વર્ષની અંદર બ્રિજનું બાંધકામ પૂરુ થવાનો અંદાજ છે.ઉલ્લેખનીય છે કે, ભૂખી કાંસ પરનો અત્યારના લોઅર બ્રિજ એટલો નિચાણવાળા વિસ્તારમાં છે કે, ચોમાસામાં તેના પર ભૂખી કાંસના પાણી ફરી વળે છે અને અવર જવર બંધ થઈ જાય છે.ઉપરાંત બ્રિજની આસપાસ મગરનો ખતરો પણ રહે છે.નવો બ્રિજ બનાવવા માટે લાંબા સમયથી માગ થઈ રહી હતી.
પહેલા ઓગસ્ટ મહિનામાં કામ પૂરુ થવાનું હતું
ગુંબજની અંદરની તરફ રિસ્ટોરેશન બાકી, લોકાર્પણ હજી પાછું ઠેલાશે
એમ.એસ.યુનિવર્સિટીની આર્ટસ ફેકલ્ટીની ઐતિહાસિક બિલ્ડિંગ પરના ગુંબજનું રિસ્ટોરેશન પુરુ થતા હજી એક મહિનાનો સમય લાગી થશે.
આ પહેલા રિસ્ટોરેશન પુરુ થવાની ડેડલાઈન ઓગસ્ટ મહિનો રાખવામાં આવી હતી પણ વરસાદની સિઝન લાંબી ચાલી હોવાથી રિસ્ટોરેશનમાં પણ વિલંબ થયો છે.ઐતિહાસિક ઈમારત પરના નાના ૬ ગુંબજનું રિસ્ટોરેશન પુરુ થઈ ગયું છે.સૌથી મોટા અને મુખ્ય ગુંજબનું રિસ્ટોરેશન પણ લગભગ પુરુ થવાના આરે છે.
જોકે સુત્રોનું કહેવું છે કે, ગુંબજની અંદરની તરફની કામગીરી હજી બાકી છે અને તે પૂરી થતા એકાદ મહિનાનો સમય હજી લાગશે.જેના કારણે હવે ગુંબજનું લોકાર્પણ પાછું ઠેલાયું છે.શક્ય છે કે, ફેબુ્રઆરી માસમાં ઐતિહાસિક ઈમારત અને ગુંબજને ખુલ્લો મૂકવામાં આવશે.
ઈમારત અને ગુંબજના રિસ્ટોરેશન માટે સત્તાધીશોએ લગભગ પાંચ કરોડ રુપિયા જેટલો ખર્ચ કર્યો છે.ગુંબજનો રંગ પણ બદલાઈ ગયો છે.પ્રદુષણના કારણે કાળા પડેલા ગુંબજ પર સફેદ રંગ કરાયો છે અને તેના પર ડિઝાઈન પણ કરાઈ છે.
