અધિક જિલ્લા મેજિસ્ટ્રેટે ખાસ જાહેરનામું બહાર પાડયું ચોમાસામાં ડૂબી જવાની ઘટનાઓને નિવારવા પગલા લેવાયા
ધોરાજી, : રાજકોટ જિલ્લાના ગ્રામ્ય વિસ્તારોમાં વિવિધ જળાશયો, સિંચાઈ યોજના, નદી, તળાવ, પુલ કે નીચાણવાળા મળીને 95 જેટલા વિસ્તારોમાં પ્રવેશ કરીને ન્હાવા પર તેમજ તટ કે પાળી પર પહોંચીને જોખમી રીતે સેલ્ફી લેવા, કેમેરા કે મોબાઈલથી શૂટિંગ કરવા પર પ્રતિબંધ મુકવામાં આવ્યો છે.
ચોમાસામાં પાણીમાં ડૂબી જવાની બનતી ઘટનાઓ નિવારવાના હેતુથી અધિક જિલ્લા મેજિસ્ટ્રેટ દ્વારા જારી કરાયેલા આદેશોમાં જણાવાયું છે કે, આજી નદી, આજી ડેમ, ઊંડ ડેમ તથા નદી, ડોંડી નદી, સારણ નદી, આજી-3 સરોવર, ન્યારી ડેમ-2, ઘેલ નદી, ખોડીયાર માતાના મંદિરની ધાર પાસે ઢોલરાના રસ્તાની બાજુમાં, રાદડીયા ડેમ અને ઠીબકીયું તળાવ, ન્યારી-1 ડેમ, વાસ વાડી નદી, હીરાબા સરોવર, ન્યારી નદી, મવડી પાળ રોડનો પુલ અને જખરાપીર મંદિરનો પુલ, ભાદર-1 સિંચાઈ યોજના, સુરવો સિંચાઈ યોજના, છાપરવાડી-2 સિંચાઈ યોજના, વડીયા ડેમ, સાંકરોળી, ઉબેણ, ભાદર નદી, ભાદર ડેમ કેનાલ, નવાગઢ સરધારપુર તળાવ, નાની સિંચાઈ યોજના, ભાદર-1, છાપરવાડી-1, મોતીસર સિંચાઈ યોજનાને આવરી લીધા છે.
આ ઉપરાંત ખારાનો ડેમ, ફોફળ નદી, વાસાવડી નદી, કોલપરી નદી, ગોંડલી નદી, કરમાળ ડેમ, છાપરવાડી-2, છાપરવાડી નદી, સુલતાનપુરી નદી, વેરી તળાવ, આશાપુરા ડેમ, વાછપરી સિંચાઈ યોજના ડેમ, ગોંડલી સિંચાઈ યોજના, કરમાળ સિંચાઈ યોજના ડેમ, મોતીસર સિંચાઈ યોજના ડેમ, અરડોઈ નદી, દેતળીયા નદી, ધોરાજી શહેરમાં આવેલા તળાવ તથા કોઝ વે, ભાદર-2 ડેમ તથા નદી કાંઠા વિસ્તારના ઉમરકોટ, વેગડી, છાડવાવદર, ભોળા, ભુખી, ભલગામડા, સુપેડી વગેરે ગામોનો પણ જાહેરનામામાં સમાવેશ થયો છે.
