(પીટીઆઇ) પટણા,
તા. ૧૮
બિહારના પૂર્વ મુખ્યપ્રધાન રાબડી દેવી અને તેમના ધારાસભ્ય
પુત્ર તેજ પ્રતાપ યાદવ આજે જમીનના બદલામાં નોકરી કેસમાં ઇડી સમક્ષ હાજર થયા હતાં.
રાજદ પ્રમુખ લાલુપ્રસાદ યાદવને આવતીકાલે હાજર થવા માટે સમન્સ પાઠવવામાં આવ્યા છે.
૬૬ વર્ષીય રાબડી દેવી બેંક રોડ પર આવેલ ઇડીની ઓફિસમાં
પોતાની સૌથી મોટી પુત્રી અને પાટલીપુત્રના સાંસદ મિસા ભારતી સાથે હાજર થયા હતાં.
તેમની સાથે રાજદના અનેક કાર્યકરો પણ ઇડીની ઓફિસ પહોંચ્યા હતાં. કાર્યકરોએ
માતા-પુત્રીના સમર્થનમાં સૂત્રોચ્ચાર કર્યા હતાં.
૩૬ વર્ષીય તેજપ્રતાપ યાદવ પણ ઇડી સમક્ષ હાજર થયા હતાં.
સૂત્રોના જણાવ્યા અનુસાર ૭૬ વર્ષીય લાલુપ્રસાદ યાદવને આવતીકાલે પટણાની ઇડી ઓફિસમાં
હાજર થવાનો આદેશ આપવામાં આવ્યો છે.
સૂત્રોના જણાવ્યા અનુસાર કેસમાં વધારાના તથ્યો બહાર આવતા તે
સંદર્ભમાં પૂછપરછ કરવા માટે નવેસરથી સમન્સ પાઠવવામાં આવ્યા છે. પરિવારના ત્રણેય સભ્યોના
નિવેદનો પ્રિવેન્શન ઓફ મની લોન્ડરિંગ એક્ટ (પીએમએલએ) હેઠળ નોંધવામાં આવશે.
આ દરમિયાન રાજદ પ્રવક્તા એજાઝ એહમદે જણાવ્યું હતું કે
જ્યારે પણ રાજ્યમાં ચૂંટણી નજીક આવે છે ત્યારે ભાજપ કેન્દ્રીય એજન્સીઓનો વિરોધ
પક્ષો સામે દુરુપયોગ કરે છે. આ અગાઉ ઝારખંડ અને દિલ્હીમાં પણ ભાજપે આવું જ કર્યુ
હતું. હવે બિહારમાં તપાસ એજન્સીઓનો દુરુપયોગ કરવામાં આવી રહ્યો છે.
ઉલ્લેખનીય છે કે ગયા વર્ષે ઇડીએ દિલ્હીની કોર્ટમાં
લાલુપ્રસાદ યાદવના સભ્યોની વિરુદ્ધ ચાર્જશીટ દાખલ કરી હતી. આ ચાર્જશીટમાં રાબરી
દવી, મિસા
ભારતી, હેમા
યાદવ સહિતના લાલુના પરિવારજનોના નામ હતાં.
