– મહિલા સાંસદોને જોઈ મુર્મુ ખુશ થયાં તેઓને મળ્યાં
– એટલાંટિક મહાસાગર પરના આદેશનું વ્યૂહાત્મક મહત્ત્વ અસામાન્ય છે તેની સાથે ભારતે ટેકનોલોજી સાયન્સ કૃષિ અને આરોગ્ય તથા ડીફેન્સ ક્ષેત્રે કરારો કર્યા
લુઆન્ડા : રાષ્ટ્રપતિ મુર્મુ મધ્ય દક્ષિણ આફ્રિકાના આ યુરેનિયમ સમૃદ્ધ દેશ એંગોલાની મુલાકાતે સમ્રાટ અશોક દ્વારા આવી પહોંચતાં વિમાન મથકે તેઓનું સેરિમોનિયલ પેરેડ સાથે તેઓનું ભવ્ય સ્વાગત કરાયું હતું. રાષ્ટ્રપતિ મુર્મુને આવકારવા એન્ગોલાના પ્રમુખ જેઆઓ મેન્યુઅલ ગોનકાલઝ ઉપસ્થિત હતા. આ પછી તેઓ પ્રમુખના પેલેસે પહોંચ્યા હતા. જ્યાં બંનેએ દ્વિપક્ષીય સંબંધો મજબૂત કરવા પ્રતિબદ્ધતા દર્શાવી હતી.
રાષ્ટ્રપતિ મુર્મુએ બંને દેશ વચ્ચે વ્યાપાર વિસ્તાર અંગે તેમની ભારતની ઊર્જા જરૂરીયાતો પૂરી કરવા અંગે મંત્રણા કરી હતી.
એટલાંટિક મહાસાગરના તટે રહેલાં આ દેશનું વ્યૂહાત્મક પણ ઘણું છે. ખાસ કરીને ચીને ઉત્તરમાં આવેલાં ગેબનમાં તો લશ્કરી મથક પણ સ્થાપ્યું હોવાથી એંગાલો વ્યૂહાત્મક દ્રષ્ટિએ મહત્ત્વનું છે. અહીં યુરેનિયમ પણ છે. તેલના અઢળક ભંડારો છે.
અહીંથી તેઓ દક્ષિણ આફ્રિકાનાં બોસ્વાના જવાનાં છે. રાષ્ટ્રપતિ મુર્મુએ એંગોલાની સંસદને સંબોધન કર્યું હતું. તે સમયે ઉપસ્થિત મહિલા સાંસદોને જોઈ તેઓ ઘણાં જ ખુશ થયાં હતાં. સંસદને કરેલાં સંબોધન પછી તેઓ તે મહિલા સાંસદોને પણ મળ્યાં હતાં.
રાષ્ટ્રપતિ મુર્મુની સાથે જલ શક્તિ અને રેલ્વેઝના રાજ્ય કક્ષાના મંત્રી વી.સોમન્ના તેમજ સાંસદો પરભુભાઈ નાગરભાઈ વસાવા તથા ડી.કે.અરૂણા પણ હતા. ઉલ્લેખનીય છે કે મહિલા રાષ્ટ્રપતિ સાથે હંમેશાં એક મહિલા સાંસદ મંત્રી કે ઉપમંત્રી અવશ્ય હોય જ છે. જેવો તેઓની સાથે રહે છે.
એંગોલાના પ્રમુખ જોઆઓ મેન્યુઅલ ગોન્કાલ્વીઝ અને રાષ્ટ્રપતિ દ્રૌપદી મુર્મુ વચ્ચે ટેકનોલોજી, સાયન્સ, કૃષિ અને આરોગ્ય તથા ડીફેન્સ ક્ષેત્રે પણ મહત્ત્વના કરારો થયા હતા.
કેટલાક નિરીક્ષકો માને છે કે એંગોલાને આર્થિક સહાયની પણ જરૂર છે. ભારત તે પૂરી પાડવા તૈયાર છે. તેમજ સાયન્સ અને ટેકનોલોજી તથા આરોગ્ય ક્ષેત્રે પણ ભારતે એંગોલાને પૂરી સહાય કરવાનું વચન આપ્યું છે તે અંગે મેમોરેન્ડમ ઓફ અન્ડરસ્ટેન્ડીંગ પણ થઇ ચુક્યા છે. એંગોલાના બુઆન્ડા કે દક્ષિણનાં નામિબે પોર્ટ પર ભારતીય નૌકાદળનું મથક જાહેર કર્યા વગર સ્થપાઈ જવા સંભવ છે. તેમજ ઇન્ડીયન એરફોર્સના પાયલોટ તથા ભૂમિદળના અધિકારીઓ એંગોલાની યુદ્ધ વિમાનોના પાયલોટસને વધુ સઘન તાલિમ આપવા યુદ્ધ વિમાનો સાથે પહોંચી જવા સંભવ છે. તેમજ ભૂમિદળના અધિકારીઓ એન્ગોલાની સેનાને તાલીમ આપશે. ટૂંકમાં શાંત જળ નીચે ભારે ગંભીર પ્રવાહ વહે છે.
