અમદાવાદ,શુક્રવાર,21 નવેમ્બર,2025
અમદાવાદ મ્યુનિસિપલ કોર્પોરેશનના શાસકો શહેરીજનોને લોભામણાં
વચન તો આપે છે પણ પુરા કરી શકતા નથી. ચાર વર્ષ અગાઉ શહેરના ૪૮ વોર્ડમાં ૯૯
સિમેન્ટના રોડ બનાવવા જાહેરાત કરાઈ હતી. ચાર વર્ષના અંતે માત્ર ૩૭ રોડ જ બનાવી
શકાયા છે.કોટ વિસ્તારને તંત્ર અને શાસકોએ ઠેંગો બતાવતા ખાડીયા વોર્ડમાં એક માત્ર
સિમેન્ટનો રોડ બની શકયો છે.કુલ ૯૯ સિમેન્ટના રોડ વિવિધ વિસ્તારમાં રુપિયા ૪૧૮
કરોડના ખર્ચથી બનાવવા જાહેરાત કરાઈ હતી.
વર્ષ-૨૦૨૧માં મ્યુનિસિપલ કોર્પોરેશનના સત્તાધારી પક્ષના
હોદ્દેદારોએ બેંગલુરુની પેટર્ન મુજબ શહેરના અલગ અલગ વોર્ડ વિસ્તારમાં સિમેન્ટના
રોડ બનાવવાનો નિતી વિષયક નિર્ણય વર્ષ-૨૦૨૧-૨૨ના વાર્ષિક અંદાજપત્રમાં ઠરાવ કરીને
લીધો હતો. જે કોટ વિસ્તારના કારણે અમદાવાદને આઠ વર્ષ પહેલા વૈશ્વિક હેરીટેજ શહેરનો
દરજજો યુનેસ્કો દ્વારા આપવામા આવ્યો હતો.તે પૈકી એક માત્ર ખાડીયા વોર્ડમા આવેલા
જયેન્દ્ર પંડિત નગરમાં સિમેન્ટનો રોડ થોડા સમય પહેલા બનાવાયો હોવાનુ ખાડીયાના
કોર્પોરેટરો તરફથી જાણવા મળ્યુ છે.
સિમેન્ટના રોડને લઈ ઝોન મુજબ સ્થિતિ
ઝોન કુલ રોડ બનેલા રોડ
ઉત્તર ૧૧ ૦૧
પૂર્વ ૦૭ ૦૨
દક્ષિણ ૦૯ ૦૪
મધ્ય ૦૧ ૦૧
પશ્ચિમ ૨૭ ૦૮
ઉ.પ. ૧૯ ૦૧
દ.પ. ૦૪ ૦૦
પ્રોજેકટ ૨૨ ૨૧
