વડોદરા શહેરની ગટરો પરથી લોખંડના ઢાંકણ વ્યવસ્થિત રીતે ચોરી કરાવવાનું કૌભાંડ શરૂ થયું હતું. ત્યારબાદ આવી ખુલ્લી ગટરો પર સિમેન્ટના તકલાદી ઢાંકણ નાખીને ભારદારી વાહનો પસાર થતા આવા તકલાદી ઢાંકણ તૂટી જતા હોવાથી કોન્ટ્રાક્ટર સાથે મળીને તંત્ર દ્વારા રીતસરનો ભ્રષ્ટાચાર શરૂ કરાયો હોવાનું સ્થાનિકોનું કહેવું છે. આવી જ રીતે દંતેશ્વર વિસ્તારમાં વરસાદી પાણીની લાઈન નંખાયેલી છે આ લાઈન પર અગાઉ લોખંડનું ઢાંકણ મૂકીને ખુલ્લી ગટર બંધ કરવામાં આવી હતી પરંતુ ભ્રષ્ટાચારના કારણે કોઈક કારણોસર વરસાદી ગટર પરથી ઢાંકણ ભેદી રીતે ગાયબ થઈ ગયું હતું. પરિણામે વરસાદી ગટર ખુલ્લી થઈ ગઈ હતી.
જોકે અગાઉ માંજલપુર ની ખુલ્લી ગટરમાં થોડા સમય અગાઉ એક યુવક પડ્યો હતો. જ્યારે તાજેતરમાં જ અટલાદરા વિસ્તારમાં પણ આવી ખુલ્લી ગટરમાં વકીલ સહિત બે જ વ્યક્તિ રાત્રિના સમય દરમિયાન ખુલ્લી ગટરમાં ખાબકતા બંને વ્યક્તિને ગંભીર ઈજા થઈ હતી જ્યારે બાઈકને પણ ભારે નુકસાન થયું હતું. આવી જ રીતે આ ખુલ્લી ગટરમાં કોઈ નિર્દોષ વ્યક્તિ કે પશુ ખાબકે એ અગાઉ આ વરસાદી ગટરને વહેલી તકે બંધ કરવામાં આવે તેવી સ્થાનિકોની માંગ ઉઠી હતી.
