નવી દિલ્હી : ઈન્ટરનેશનલ મોનીટરી ફંડ (આઈએમએફ) દ્વારા ઓકટોબર ૨૦૨૫ના વર્લ્ડ ઈકોનોમિક આઉટલૂક જનરલ ગવર્મેન્ટ ગ્રોસ ડેટ-જીડીપીની ટકાવારીની રીતે કેટલું છે એના જાહેર થયેલા આંકડા ચોંકાવનારા છે. વિશ્વના કહેવાતા વિકસિત દેશો અસાધારણ દેવાની ખાઈમાં ખૂંપેલા છે. જ્યારે ભારત સહિતના કેટલાક વિકાસશીલ દેશોની સરકારનું દેવું વિકસિત દેશોની તુલનાએ ઓછું છે.
અમેરિકા જેવું અમેરિકા અસાધારણ દેવા બોજ તળે દબાયેલું હોઈ વિશ્વના સૌથી વધુ ટોપ ૧૦ ડેટ ટુ જીડીપી રેશિયો ધરાવતા એટલે કે જીડીપીની ટકાવારીની રીતે ઊંચું દેવું ધરાવતાં દેશોમાં ૧૨૫ ટકા રેશીયો સાથે આઠમાં ક્રમે છે.
