Vadodara : તાપી જિલ્લાના વ્યારા તાલુકાના માલીવાડ ગામે રહેતો રાહુલ જયવંતભાઈ વાનખેડે શેર માર્કેટમાં ટ્રેડિંગનું બિઝનેસ કરે છે. માંજલપુર પોલીસ સ્ટેશનમાં તેણે ફરિયાદ નોંધાવી જણાવ્યું છે કે, એક વર્ષ પહેલા શેર માર્કેટમાં નુકસાની થતા મારે પૈસાની જરૂર પડી હતી. જેથી હું લોન લેવા માટે બેન્કમાં ફરતો હતો તે વખતે મારા મિત્ર રાકેશ દેસાઈ (રહે-નવસારી)એ રાજેશભાઈ અભયસિંહ ચાવડા (રહે.લાડુબા નગર મહેશ કોમ્પલેક્ષ પાસે વાઘોડિયા રોડ )અને તેમના ભાગીદાર નયનાબેન મનહરસિંહ મહિડા (રહે-દીપ દર્શન સોસાયટી ઓલ્ડ પાદરા રોડ) સાથે સંપર્ક કરાવ્યો હતો.
તારીખ 2-7-2024 ના રોજ હું રાજેશભાઈને વિશ્વાસ નથી ટાંક ખાતે આવેલ સહયોગ ફાઈનાન્સ નામની ઓફિસે ગયો હતો અને પાંચ કરોડની લોનની વાત કરી હતી. મેં તેઓને 4.23 લાખ રૂપિયા ટ્રાન્સફર કર્યા હતા પરંતુ તેમનાથી લોન નહીં થતાં તેઓએ મને શિવકુમાર રાજારામ રાઠોડ (રહે-અમદાવાદ) સાથે મુલાકાત કરાવી હતી. અને રોકડામાં પાંચ કરોડની લોન આપવાનું કહ્યું હતું. મેં તેઓને કુલ 9.93 લાખ રૂપિયા ઓનલાઇન તેમજ રોકડામાં આપ્યા હતા. તેમ છતાં અમારી લોન થઈ ન હતી. જેથી હું તેઓને અવારનવાર મળતો હતો. પરંતુ બહાના બતાવે વાયદા કરતા હતા. ફેબ્રુઆરી 2025 માં ઇન્દિરા કોમ્પ્લેક્સમાં આવેલ તેમની ઓફિસે જઈને મેં લોનના પૈસાની માંગણી કરતા રાજેશ ચાવડાએ મારી સાથે ઝપાઝપી કરી ધમકી આપી હતી.
