– ચિફ ઓફિસરની બદલી થતાની સાથે
– ગેરેજ ખાતામાં સુપરવાઈઝર અને ડ્રાઈવરનું ભરતી પ્રકરણ શહેરીજનોમાં ચર્ચાસ્પદ બન્યું
સિહોર : સિહોર નગરપાલિકાના ચિફ ઓફિસરની બદલી થતાની સાથે જ પાછલા દરવાજેથી મામકાઓની ગેરેજ ખાતામાં ડ્રાઈવરની તેમજ સુપરવાઈઝર તરીકેની ભરતી કરી નાખવામાં આવતા કર્મચારીઓમાં પ્રબળ આક્રોશની લાગણી જન્મી છે.
સિહોર નગરપાલિકા દ્વારા પ્રચાર માધ્યમોમાં અગાઉથી કોઈપણ જાતની ભરતીની જાહેરાત કે નીયત લાયકાત ધરાવનારાઓ પાસેથી અરજીઓ મંગાવ્યા વગર કે ઈન્ટરવ્યુ લીધા વગર જ સત્તાધીશો દ્વારા પાલિકાના ગેરેજ ખાતામાં સુપરવાઈઝર અને ડ્રાઈવરની ગેરકાયદે ભરતી કરવામાં આવતા સત્તાધીશોની વ્હાલા-દવલાની નીતિરીતિ સામે કર્મચારીઓમાં તેમજ જાગૃત નાગરીકોમાં નારાજગી સાથે રોષ વ્યાપેલ છે. આ ગંભીર બાબતે સિહોર નગરપાલિકાના વિરોધ પક્ષ દ્વારા પણ કોઈ અગમ્ય કારણસર ચૂપકીદી સેવાઈ રહી છે કે તેઓ આંખ આડા કાન કરી રહ્યા છે તે લોકોમાં ચર્ચાસ્પદ બન્યુ છે. વિરોધ પક્ષને પણ અંધારામાં રાખીને મામકાઓની કરાયેલી ભરતી અટકાવવામાં આવે તેવી લોકમાંગ ઉઠવા પામેલ છે.
