Surat News : સુરતના મગદલ્લા દરિયાકિનારે કોલસો ભરેલી નાની બોટ અચાનક મધદરિયે પલટી મારી ગઈ હતી. બોટ પલટતાં તેમાં સવાર પાંચ જેટલાં શ્રમિકોના શ્વાસ અધ્ધર થઈ ગયા હતા. ઘટના સમયે નજીકથી પસાર થઈ રહેલી અન્ય બોટના લોકો દ્વારા ડૂબી રહેલા પાંચેય વ્યક્તિને બચાવી લેવામાં આવ્યા હતા. સમગ્ર ઘટનાનો વીડિયો સોશિયલ મીડિયામાં વાઈરલ થઈ રહ્યો છે.
મગદલ્લા દરિયાકિનારે કોલસો ભરેલી બોટ પલટી
મળતી માહિતી મુજબ, સુરતના દરિયાકિનારે વિદેશી કોલસો લઈને આવેલા મોટા જહાજમાંથી નાની બોટમાં કિલસો ભરીને કિનારા સુધી જતી વખતે દુર્ઘટના સર્જાઈ હતી. બોટમાં વધુ પ્રમાણમાં કોલસો ભર્યો હતો. તેમજ દરિયામાં કરંટ વધુ હોવાના કારણે બોટ પલટી મારી ગઈ હતી. જેમાં બોટમાં સવાર શ્રમિકો દરિયાના પાણીમાં ફેંકાયા હતા.
બોટ પલટી મારી જતાં પાંચ શ્રમિકો દરિયામાં ડૂબ્યા હતા. જોકે, આ દરમિયાન અન્ય બોટના લોકો દ્વારા શ્રમિકોને બચાવવામાં આવ્યા હતા. આ ઘટનામાં કોઈ જાનહાનિ થઈ ન હતી. જોકે, કિંમતી કોલસો દરિયામાં ગરકાવ થતાં આર્થિક નુકસાન થયું હતું.
આ પણ વાંચો: અમદાવાદ ફ્લાવર શો: સવારે 9 થી 10 અને રાત્રે 10 થી 11 રહેશે VIP એન્ટ્રી, ટિકિટના ભાવમાં વધારો, જાણો નવા ભાવ
સમગ્ર ઘટનાનો વીડિયો સોશિયલ મીડિયામાં વાઈરલ થયો છે. જ્યારે બોટ પલટવાના બનાવને લઈને ગુજરાત મેરીટાઈમ બોર્ડ (GMB)ની ટીમ દોડતી થઈ હતી. બીજી તરફ, બોટને દરિયાકિનારે લાવવાની કામગીરી હાથ ધરવામાં આવી હતી.
