મુંબઈ : મુંબઈ ઝવેરી બજારમાં આજે સોના-ચાંદીના ભાવમાં તેજી આગળ વધી રહી હતી. વિશ્વ બજારના સમાચાર ભાવમાં નવો ઉછાળો બતાવી રહ્યા હતા. વિશ્વ બજાર ઉચકાતા ઘરઆંગણે ઇમ્પોર્ટ કોસ્ટ વધી ગઈ હોવાનું બજારના જાણકારોએ જણાવ્યું હતું. જોકે ઘરઆંગણે કરન્સી બજારમાં આજે રૂપિયા સામે ડોલરના ભાવ ઘટી જતા ઝવેરી બજારમાં કિંમતી ધાતુઓમાં ભાવ વૃદ્ધિ તેટલા પ્રમાણમાં સીમીત રહી હોવાનું સૂત્રોએ ઉમેર્યું હતું.
દરમિયાન મુંબઈ કરન્સી બજારનો રૂપિયા સામે ડોલરનો ભાવ રૂા. ૯૦.૭૮ ઘટી રૂા. ૯૦.૫૪ રહ્યા હતા. ડોલર સામે આજે રૂપિયો ૨૪ પૈસા ઉછળ્યો હતો. શેર બજાર ઉચકાતા કરન્સી બજારમાં રૂપિયા પર પોઝિટિવ ઇમ્પેક્ટ દેખાઈ હતી.
દરમિયાન વિશ્વબજારમાં સોનાના ભાવ ઔંસના ૫૦૧૫ ડોલરથી વધી ૫૦૭૬ થઈ ૫૦૪૮ ડોલર રહ્યા હતા. ડોલરનો વૈશ્વિસ ઇન્ડેક્સ ઘટતા સોનામાં ફંડોનું એક્ટિવ બાઇંગ જોવા મળ્યું હતું. ડોલરનું ગ્લોબલ ઇન્ડેક્સ ઉંચામાં ૯૭.૦૧ તથા ૯૬.૭૯ રહ્યો હતો. દરમિયાન અમદાવાદ ઝવેરી બજારમાં સોનાના ભાવ ૧૦ ગ્રામના રૂા. ૨૦૦ વધી ૯૯૫ના રૂપિયા ૧૫૯૯૦૦ તથા ૯૯૯ના રૂા. ૧૬૦૨૦૦ રહ્યા હતા. અમદાવાદ ચાંદીના ભાવ કિલોના રૂા. ૫૦૦૦ વધી રૂા. ૨૬૫૦૦૦ બોલાતા હતા. વિશ્વ બજારમાં ચાંદીના ભાવ ઔંસના ૮૦.૪૯થી વધી ૮૩.૯૭ ડોલર થઈ ૮૨.૧૧ ડોલર રહ્યા હતા.
મુંબઈ બુલિયન બજારમાં આજે સોનાના ભાવ જીએસટી વગર ૯૯૫ના વધી રૂા. ૧૫૫૬૨૯ જ્યારે ૯૯૯ના વધી રૂા. ૧૫૬૨૫૫ રહ્યા હતા. મુંબઈ ચાંદીના ભાવ જીએસટી વગર વધી રૂા. ૨૫૯૧૦૦ બોલાતા હતા. દરમિયાન વિશ્વ બજારમાં પ્લેટિનમના ભાવ વધી ૨૧૩૮ ડોલર થઈ ૨૧૦૬ ડોલર રહ્યા હતા. જ્યારે મુંબઈ બજારમાં પ્લેટિનમના ભાવ ૧૦ ગ્રામના રૂા. ૬૫૪૧૯ બોલાતા હતા. વિશ્વ બજારમાં કોપરના ભાવ ૦.૮૪ ટકા ઘટયા હતા. ક્રૂડ તેલના ભાવ જોકે ઉંચકાયા હતા.
બ્રેન્ટ ક્રૂડના ભાવ બેરલના વધી ૬૯.૨૩ ડોલર રહ્યા હતા. મુંબઈ કરન્સી બજારમાં બ્રિટિશ પાઉન્ડના ભાવ ૩૬ પૈસા વધી રૂા. ૧૨૩.૮૧ જ્યારે યુરોના ભાવ ૨૪ પૈસા વધી રૂા. ૧૦૭.૯૨ રહ્યા હતા. જાપાનની કરન્સી ૦.૬૨ ટકા ઉછળી હતી, જ્યારે ચીનની કરન્સી ૦.૦૯ ટકા ઘટી હતી. વિશ્વ બજારમાં ડોલર સામે જોકે ચીનની કરન્સી વધી ત્રણ વર્ષની ટોચે પહોંચી હતી.
