Silver and Gold MCX Price News : સોના અને ચાંદીના ભાવમાં આજે જોરદાર તેજી જોવા મળી છે. માર્કેટ ખુલતાની સાથે જ બંને કિંમતી ધાતુઓના ભાવમાં મોટો ઉછાળો આવતા રોકાણકારોમાં ભારે ઉત્તેજના જોવા મળી રહી છે. MCX (મલ્ટી કોમોડિટી એક્સચેન્જ) ના તાજા આંકડાઓ મુજબ સોનામાં ₹3,000 થી વધુ અને ચાંદીમાં ₹15,000 થી વધુનો એકઝાટકે વધારો નોંધાયો છે.
ચાંદીમાં તેજીનું વાવાઝોડું
MCX ના ડેટા મુજબ, ચાંદીના (Silver 05-Mar-26) ભાવમાં આજે જબરદસ્ત ઉછાળો જોવા મળ્યો છે. ચાંદીનો અગાઉનો બંધ ભાવ ₹2,52,944.00 હતો, જેની સામે આજે બજાર ખુલતાની સાથે જ તે ₹2,63,061.00 પર ઓપન થઈ હતી. આ સમાચાર લખાય છે ત્યારે ચાંદીનો ભાવ વધીને ₹2,67,911.00 પર પહોંચી ગયો છે, જે તેના અગાઉના બંધ ભાવથી અંદાજે ₹14,967.00 (+5.92%) જેટલો વધારો દર્શાવે છે. દિવસ દરમિયાન ચાંદીમાં ₹2,68,875.00 સુધીનું હાઈ લેવલ જોવા મળ્યું છે.
સોનાની કિંમતોમાં પણ જોરદાર ચમક
સોનાના (Gold 02-Apr-26) ભાવમાં પણ આજે મોટી રિકવરી જોવા મળી છે. સોનાનો અગાઉનો બંધ ભાવ ₹1,56,876.00 હતો, જે આજે ₹1,58,458.00 પર ખુલ્યું હતું. હાલમાં સોનાનો ભાવ વધીને ₹1,60,053.00 પર ટ્રેડ થઈ રહ્યો છે, જે અગાઉના બંધ ભાવ કરતા ₹3,177.00 (+2.03%) નો ઉછાળો સૂચવે છે. સોનાએ આજે દિવસ દરમિયાન ₹1,60,600.00 ની ઊંચી સપાટીને સ્પર્શ કર્યો છે.
બજારની વર્તમાન સ્થિતિ
આ એકઝાટકે આવેલા ઉછાળાને કારણે જ્વેલરી બજાર અને કોમોડિટી માર્કેટમાં હલચલ મચી ગઈ છે. વૈશ્વિક પરિબળો અને રોકાણકારોની નવી લેવાલીને કારણે કિંમતોમાં આટલો મોટો તફાવત જોવા મળી રહ્યો હોય તેમ જણાય છે.
