અમદાવાદ,બુધવાર
શહેરના દિલ્હી ચકલા વિસ્તારમાં આવેલા ભાડભુંજા હાડવૈદના દવાખાનાનો એક વિડીયો વાયરલ થયો છે. જેમાં એક મહિલાના હાથમાં કોઇ ફ્રેક્ચર કે દુખાવો ન હોવા છતાંય, ભાડભુંજા હાડદૈવના દવાખાનામાં બેસતા ડીગ્રી વિનાના તબીબે હાથ તપાસવાનો ઢોંગ કરીને મહિલાને ફ્રેક્ચર થયાનું કહીને તે હાથમાં પ્લાસ્ટરનો પાટો લગાવી દીધો હતો. સાથેસાથે સુચના આપી હતી કે દર પંદર દિવસે ત્રણ વાર આવવા માટે સુચના આપી હતી.
આ સમગ્ર વિડીયોની વિગતો એવી હતી કે દિલ્હી ચકલામાં આવેલા એક ભાડભુંજા હાડદૈવના દવાખાનાના સંચાલકો દાવો કરે છે કે ૧૫૧ વર્ષ જુના હાડદૈવ છે. જેમાં દવાખાનાનું સંચાલનએક જ પરિવારના અલગ અલગ લોકો દ્વારા કરવામાં આવે છે. અને જેમાં વાર પ્રમાણે એક વ્યક્તિનો વારો હોય છે.જેમાં અસ્ફાક હારૂનભાઇ નામના વ્યક્તિનો વારો હતો.પરંતુ, મહિલાની સારવાર અન્ય એક વ્યક્તિએ શરૂ કરી હતી. જેમાં તેના હાથને તપાસ્યા બાદ હાથમાં પાટો બાંધીને તેને દવા લખી આપી હતી. સૌથી નવાઇની વાત એ હતી કે દવાખાનામાં તબીબ દ્વારા તપાસ કરવામાં આવે છે પરંતુ, આ ભાડભુંજા હાડવૈદમાં કોઇ તબીબને રાખ્યા વિના જ દરરોજ સારવાર માટે અનેક લોકોને તપાસના નામે પ્લાસ્ટર કરવામાં આવે છે.
ઉલ્લેખનીય છે કે આ વિસ્તારમાં થોડા મહિના અગાઉ એક દવાખાનાને સીલ કરવામાં આવ્યું હતું. સુત્રોના જણાવ્યા મુજબ મનપાના આરોગ્ય વિભાગની મિલીભગતથી ભાડભુજા હાડદૈવના દવાખાના બેરોકોટોક ચાલે છે. જેના કારણે પ્રતિદિન અનેક લોકોને હાથ કે પગની તકલીફ વિના જ પ્લાસ્ટર બાંધી દેવામાં આવે છે.
