મુંબઈ : માર્કેટ ઈન્ટરમીડિયરીઝ પાસે હવે ગ્રાહકો પાસેથી મૂડી એક્ત્રિત કરવા માટે એક યુનિક યુનિફાઈડ પેમેન્ટ્સ ઈન્ટરફેસ (યુપીઆઈ) એડ્રેસ હશે. આ માટે નિયમનકાર સેબીએ ૧૧, જૂને પરામર્શ પછી ઉદ્યોગના પ્રતિસાદનો સમાવેશ કર્યા પછી અને બજારના પાર્ટિસિપન્ટ્સની તૈયારીનું મૂલ્યાંકન કર્યા પછી વેલિડ નામની ુપદ્ધતિનું અનાવરણ કર્યું હતું.
યુપીઆઈ પેમેન્ટ મેકેનીઝમ ૧, ઓકટોબર ૨૦૨૫થી લાઈવ થશે. રોકાણકારો માટે સેબીની અનોખી અને સુરક્ષિત પેમન્ટ પદ્વતિ, જેને વેલિડ નામ આપવામાં આવ્યું છે, તેનો ઉપયોગ માર્કેટ ઈન્ટરમીડિયરીઝ-મધ્યસ્થીઓ દ્વારા બ્રોકર્સ, મ્યુચ્યુઅલ ફંડ્સ, રિસર્ચ એનાલિસ્ટો, ઈન્વેસ્ટમેન્ટ એડવાઈઝરો અને અન્ય લોકોને ચૂકવણી જેવા ગ્રાહકો પાસેથી ફંડ એક્ત્રિત કરવા માટે કરી શકાય છે.
વેલિડ એ એક અનોખુ, યુનિફાઈડ પેમેન્ટ્સ ઈન્ટરફેસ (યુપીઆઈ) આધારિત ચૂકવણી આઈડી છે. જે બેંકો દ્વારા ફક્ત સેબી રજીસ્ટર્ડ એન્ટિટીઝને જારી કરવામાં આવે છે. ઈન્વેસ્ટરો દ્વારા સરળતાથી ઓળખી શકાય તે માટે, નિયમન કરાયેલી સંસ્થાઓના યુપીઆઈ આઈડીમાં બેંકના નામ સાથે એટધરેટવેલિડ હેન્ડલ નામનો સમાવેશ થશે. વ્યવહારની કાયદેસરતા દર્શાવવા માટે ત્રિકોણમાં લીલા રંગનો થમ્બ્સ અપ આઈકોન પણ ચિહ્નિત કરવામાં આવશે. ઉદ્દાહરણ તરીકે, જો તે બ્રોકર એબીસી માટે છે, અને એચડીએફસી બેંકના યુપીઆઈ પ્લેટફોર્મ દ્વારા પૈસા એક્ત્રિત કરવાનો છે, તો હેન્ડલ abc.brk@validhdfc હશે. તેવી જ રીતે મ્યુચ્યુઅલ ફંડ માટે, તે abc.mf@validhdfcહશે.
સેબીએ સેબી ચેક પણ લોન્ચ કર્યું છે, જેના દ્વારા રોકાણકારો રજિસ્ટર્ડ ઈન્ટરમીડિયરીઝના બેંક એકાઉન્ટ યુપીઆઈ આઈડી ને ક્યુઆર કોડ સ્કેન કરીને અથવા યુપીઆઈ આઈડી દાખલ કરીને ચકાસી અને પ્રમાણિત કરી શકશે.
નિયમકારે નેશનલ પેમેન્ટ્સ કોર્પોરેશન ઓફ ઈન્ડિયા (એનપીસીઆઈ), બેંકો અને બ્રોકર્સ અને અન્ય માર્કેટ ઈન્ટરમીડિયરીઝ સાથે પરામર્શ કર્યા પછી વેલિડ ચૂકવણી મેકેનીઝમ વિકસાવી છે. સેબીએ યુપીઆઈ દ્વારા કરવામાં આવતા મૂડી બજાર વ્યવહારો માટે દરરોજ રૂપિયા પાંચ લાખ સુધીની ઉપલી મર્યાદા નક્કી કરી છે, જેની એનપીસીઆઈ સાથે પરામર્શ કરીને સમયાંતરે સમીક્ષા કરી શકાય છે.
