બે વર્ષથી બિસ્માર કોઝવે સમારકામ બાદ વરસાદમાં ધોવાયો
સમારકામ માટે વારંવાર રજૂઆત છતાં માત્ર માટીનું પુરાણ કરી વેઠ ઉતારાતા વિદ્યાર્થી સહિત લોકોને હાલાકી
નડિયાદ: મહેમદાવાદ અને ખેડા તાલુકાના ગામડાઓને જોડતો મેશ્વો નદી પર કોઝવે બે વર્ષથી બિસ્માર છે. ત્યારે થોડા દિવસ પહેલાં થયેલા ભારે વરસાદમાં ધોવાઈ જતા તૂટી જવા પામ્યો છે. જેના કારણે ખેડા તાલુકાના સમાદરા અને મહેમદાવાદ તાલુકાના સાદરા બંને ગામો સહિત 40 જેટલા ગામોનો વાહન વ્યવહાર ખોરવાઈ જવા પામ્યો છે.
