Gujarat Rain Forecast: ગુજરાતમાં છેલ્લાં ઘણાં દિવસોથી અનેક વિસ્તારોમાં ભારે વરસાદ જોવા મળી રહ્યો છે. એવામાં આજે વરસાદ હવે ખમૈયા કરી શકે છે. હવામાન વિભાગ દ્વારા સવારે 10 વાગ્યા સુધી 5 જિલ્લામાં ઓરેન્જ એલર્ટ રહેશે અને બાકીના જિલ્લામાં યેલો એલર્ટ છે.
પાંચ જિલ્લામાં ઓરેન્જ એલર્ટ
હવામાન વિભાગ અનુસાર, સવારે 10 વાગ્યા સુધી બનાસકાંઠા, સાબરકાંઠા, અરવલ્લી, મહીસાગર અને દાહોદમાં ઓરેન્જ એલર્ટ રહેશે. આ પાંચ જિલ્લામાં 10 વાગ્યા સુધી મધ્યમથી ભારે વરસાદ વરસી શકે છે.
આ પણ વાંચોઃ ચોટીલાના ખેરડી ગામે જુગારની ક્લબ પર લીંબડી ડીવાયએસપીનો દરોડો
આ જિલ્લામાં યેલો એલર્ટ
આ સિવાય બાકીના જિલ્લામાં 10 વાગ્યા સુધી યેલો એલર્ટ રહેશે. જ્યાં છૂટો છવાયો હળવાથી મધ્યમ સ્તરે વરસાદ વરસી શકે છે.
હવામાન વિભાગની આગાહી
22 ઓગસ્ટના રોજ રાજ્યના 26 જિલ્લામાં ધોધમાર વરસાદની શક્યતા છે. જેમાં દેવભૂમિ દ્વારકા, જૂનાગઢ, પોરબંદર, ગીર સોમનાથ, બનાસકાંઠા, સાબરકાંઠા, અમરેલી, ભાવનગર, નવસારી, વલસાડ, કચ્છ, પાટણ, મહેસાણા, રાજકોટ, ગાંધીનગર, અમદાવાદ, સુરેન્દ્રનગર, બોટાદ, મોરબી, અરવલ્લી, મહીસાગર, દાહોદ, પંચમહાલ, આણંદ, ખેડા જિલ્લામાં ગાજવીજ સાથે ભારે અતિભારે વરસાદની આગાહી છે.
આ પણ વાંચોઃ લોકોને બસ મળતી નથી, કોઈ ચિંતા નહીં , સાત મહીનામાં AMTS ની પાંચ હજારથી વધુ બસ સરકારી કાર્યક્રમ માટે ફળવાઈ
23-24 ઓગસ્ટની આગાહી
રાજ્યમાં 23 ઓગસ્ટે કચ્છ, પાટણ, બનાસકાંઠા, મહેસાણા, ગાંધીનગર, સાબરકાંઠા, અરવલ્લી, ખેડા, અમદાવાદ, સુરેન્દ્રનગર, મોરબી, રાજકોટ, જામનગર, દેવભૂમિ દ્વારકા, પોરબંદર, નવસારી, વલસાડ અને 24 ઓગસ્ટે કચ્છ, પાટણ, બનાસકાંઠા, સાબરકાંઠા, નવસારી, વલસાડ જિલ્લામાં યલો ઍલર્ટ જાહેર કર્યું છે.
