અમદાવાદ, શુક્રવાર
પૂર્વ વિસ્તારમાં લૂંટ, મારા મારી અને હત્યા સહીતની ગુનાખોરી વધુ રહી છે. ખોખરા વિસ્તારમાં એકવાયું જીવન જીવતા વૃદ્ધાનું ગળું દબાવીને હત્યા કરી હતી. ખોખરા પોલીસે અજાણી વ્યક્તિ સામે ગુનો નોંધીને તપાસ કરતાં અગમ્ય કારણોસર આંખે ઇજા કરી અને ગળું દબાવીને હત્યા કરી હતી. આ બનાવ ખોખરા પોલીસે હત્યાનો ગુનો નોંધી આસપાસ વિસ્તારના સીસીટીવી ફૂટેજ આધારે વધુ તપાસ હાથ ધરી છે.
અજાણી વ્યકિતએ અગમ્ય કારણથી હત્યા કરી પીએમ રિપોર્ટમાં આંખે ઇજા,ગળું દબાવીને હત્યાનું બહાર આવ્યું ઃ ખોખરા પોલીસે હત્યાનો ગુનો નોંધ્યો
ખોખરામાં રહેતા અને છૂટક મજૂરી કરતા યુવકે ખોખરા પોલીસ સ્ટેશનમાં અજાણી વ્યક્તિ સામે ફરિયાદ નોંધાવી છે કે તેમના ૮૫ વર્ષના માતા ત્રણ વર્ષથી ખોખરા ફ્રૂટવાળી ચાલીમાં એકલા રહેતા હતા. ગઇકાલે સવારે ૯ વાગે ફરિયાદીની માતાના મકાન માલિક ફોન કરીને જાણ કરી હતી કે તમારા માતા ઘરમાં મરણ ગયેલા છે, જેને લઇને યુવકે જઇને જોયું તો ઘરમાં તેમની માતા મરણ ગયેલી હાલતમાં પડેલા હતા.
માતાના મૃતદેહને ઘરે લાવ્યા બાદ ખબર પડીને તેમની માતાને આંખે તથા ગળાના ભાગે ઇજાના નિશાન હતા. જેથી પોલીસને જાણ કરતાં ખોખરા પોલીસે હત્યાનો ગુનો નોંધી પીએમ કરાવતાં પીએમ રિપોર્ટમાં કોઇક અજાણી વ્યક્તિએ ગળું દબાવીને હત્યા કરી હોવાનું બહાર આવ્યું હતું. પોલીસે આસપાસના સીસીટીવી ફૂટેજ આધારે વધુ તપાસ હાથ ધરી છે.
