Vadoadra Temple Theft Case : વડોદરા તેમજ આસપાસના વિસ્તારમાં ફક્ત મંદિરોને જ ટાર્ગેટ કરતી મેડા ગેંગ અને પોલીસે ઝડપી પાડી પાંચ લાખની મત્તા કબજે કબજે કરી છે.
મંદિરોમાંથી ચોરેલા દાગીના વેચવા હાલોલથી સુરત જઈ રહ્યા હતા
વડોદરા શહેર, ભાયલી, કરજણ, ભરૂચ,રાજકોટ અને જેતપુર જેવા સ્થળોએ મંદિરોની ચોરીના બનાવો બન્યા હોવાથી વડોદરા ક્રાઈમ બ્રાન્ચ દ્વારા સીસીટીવી ફૂટેજના આધારે તપાસ કરવામાં આવી હતી. જે દરમિયાન પંચમહાલની મેડા ગેંગ સામેલ હોવાનું જણાઈ આવ્યું હતું.
દરમિયાનમાં મેડા ગેંગના ત્રણ સાગરીતો ચોરીનો માલ લઈને હાલોલથી સુરત બાઈક પર જઈ રહ્યા હોવાની માહિતી મળતા વડોદરા ક્રાઈમ બ્રાન્ચની ટીમએ ગોલ્ડન ચોકડી પાસે વોચ ગોઠવી હતી.
2 લાખ ઉપરાંતની રોકડ,મૂર્તિઓ, દાગીના સહિત 5લાખની મત્તા મળી
પોલીસે ઉમેશ બચુભાઈ મેડા, આજે બચુભાઈ મેડા (બંને રહે. ગુલબાર ગામ,ગરબાડા,દાહોદ) અને ગોવિંદ દલબીરભાઈ મચ્છાર(સીમલીયા ખુદૅ ગામ, ગરબાડા) ને બે બાઈક સાથે ઝડપી પાડ્યા હતા. ત્રણેય જણાની થેલીમાંથી રૂ.2.02 લાખ રોકડા, સોના અને ચાંદીની લગડી, ભગવાનના દાગીના તેમજ મૂર્તિઓ અને પરચુરણ મળી આવ્યા હતા. પોલીસે પૂછપરછ કરતા જુદા-જુદા વિસ્તારોમાં 22 મંદિરોમાં કરેલી ચોરીની કબુલાત કરી હતી.
શા માટે મંદિરોને ટાર્ગેટ કરતા હતા, માત્ર પરિવારના સભ્યોને રાખતા હતા
ચોરોએ પોલીસ સમક્ષ કબૂલ્યું હતું કે, અગાઉ ચોરી અને ધાડના બનાવોમાં બનાવવામાં લાંબો સમય જેલમાં રહેવું પડ્યું હોવાથી તેમજ ઘર માલિક જાગી જાય તો અથડામણ થતી હોવાથી મંદિરોને નિશાન બનાવવાનું નક્કી કર્યું હતું. આ માટે તેઓ મોટર સાયકલ લઈને વડોદરા આવતા હતા. અહીં અગાઉથી પાર્ક કરી રાખેલી બીજી મોટરસાયકલનો ઉપયોગ કરતા હતા અને ચોરીના સ્થળે જવા માટે અગાઉથી રેકી કરી આખો દિવસ બાગમાં પસાર કરતા હતા. રાત્રે દૂર બાઇક મૂકીને મંદિરોને નિશાન બનાવી ચોરીમાં વાપરેલી બાઈક બ્રિજ નીચે પાર્ક કરી હાલોલથી લાવેલી મોટર સાયકલ પરત કરવાના થતા હતા.
