મુંબઈ : ડેરિવેટિવ્ઝ પોઝિશન હળવી થવા ઉપરાંત મોટેપાયે લિક્વિડેશન આવતા શુક્રવારે ક્રિપ્ટોકરન્સી બજારમાં મોટા કડાકા જોવા મળ્યા હતા. મુખ્ય ક્રિપ્ટો બિટકોઈન ૧,૧૦,૦૦૦ ડોલરની અંદર સરકી ગયો હતો. છેલ્લા ચોવીસ કલાકમાં બિટકોઈન નીચામાં ૧૦૮૮૩૪ ડોલર અને ઉપરમાં ૧૧૧૭૮૧ ડોલર વચ્ચે અથડાઈ મોડી સાંજે ૧૦૮૯૪૫ ડોલર બોલાતો હતો. એથરમે પણ ૪૦૦૦ ડોલરની સપાટી ગુમાવી હતી. એથરમ નીચામાં ૩૮૩૪ ડોલર જોવા મળ્યો હતો અને મોડી સાંજે ૩૮૯૪ ડોલર મુકાતો હતો.
