અમદાવાદ, શનિવાર
વટવામાં રહેતા યુવકને મહિલાને સ્પામાં હિસાબ રાખવાનું કહી નોકરી રાખીને લગ્નની લાલચ આપી હતી અને મહિલા સાથે અણછાજતું વર્તન કરીને પતિથી છૂટી કરી દીધી હતી બે મહિના સુધી આ મહિલાનું કોઇ નથી કહીને ઘરે રાખી હતી જો કે પ્રેમ સંબંધની પત્નીને ખબર પડતાં પતિ અને પત્નીએ તકરાર કરી હતી બાદમાં સ્પામાં રાખી હતી ત્યારબાદ લગ્ન કરવાનો ઇન્કાર કર્યો હતો. એટલું જ નહી મારી સાથે નહી રહે તો ફોટા અને વિડિયો વાયરલ તથા મારી નખાવાની ધમકી આપી હતી. આ બનાવ અંગે વટવા પોલીસે ગુનો નોંધી વધુ તપાસ હાથ ધરી છે.
પ્રેમ સંબંધનો ભાડો ફૂટતા મહિલાને મારી સાથે કામ નહી કરે તો ફોટા વિડિયો વાયરલની તથા મારી નખાવાની ધમકી આપી
વટવામાં રહેતી મહિલાએ વટવા પોલીસ સ્ટેશનમાં વટવામાં રહેતા યુવક સામે ફરિયાદ નોંધાવી છે કે આરોપીએ માર્ચ ૨૦૨૫માં અજાણ્યા નંબર પરથી ફોન કરીને નોકરીની વાત કરી હતી. જો કે મહિલાએ નોકરીનો ઇન્કાર કર્યો હતો તેમ છતાં અવાર નવાર ફોન કરીને તેમના ગુરુકુળ ખાતે આવેલા રેડરોઝ સ્પામાં મેનેજર તરીકે માત્ર હિસાબ રાખવાની વાત કરીને રૃા. ૧૨,૦૦૦ પગારની લાલચ આપીને નોકરીએ રાખી હતી ત્યારબાદ હું તને પ્રેમ કરું છુ અને મારી પત્નીને છૂટાછેડા આપીને તારી સાથે લગ્ન કરીશ તેવી વાર્તા કરીને મહિલાને પ્રેમજાળમાં ફસાવી હતી.
ત્યારબાદ વિશ્વાસ સંપન્ન કરવા માટે એક દિવસ સાથે ઘરે લઇ ગયો હતો અને પત્ની સાથે પરિચય કરાવ્યો હતો બાદમાં મહિલાને છૂટાછેડા લેવા માટે દબાણ કરીને લગ્ન કરવાની લાલચ આપી હતી, મહિલા પણ વિશ્વાસમાં આવીને પતિને છોડીને તેની સાથે રહેવા આવી ગઇ હતી જેનો લાભ ઉઠાવીને લગ્નનું વચન આપીને તેની સાથે અવાર નવાર શારિરીક સંબંધ બાંધ્યો હતો એટલું જ નહી આ મહિલાનું અમદાવાદમાં કોઇ નથી કહીને બે મહિના સુધી ઘરે રાખી હતી. જો કે પત્નીને પતિના આડા સંબંધની જાણ થતાં આરોપી અને તેની પત્નીએ મહિલા સાથે તકરાર કરી હતી બાદમાં મહિલાને સ્પામાં રાખીને ધમકી આપી કે તું મારી સાથે કામ નહી કરે તો ફોટા અને વિડિયો વાયરલ કરીને મારી નખવાની ધમકી આપી હતી મહિલા ફસાઇ જતાં આખરે પતિને સાચી વાત કરીને પતિ સાથે આવીને આરોપી સામે ફરિયાદ નોંધાવી હતી.
