– ડમ્પરની ટક્કરે બાઇક ચાલકને સામાન્ય ઇજા
– અકસ્માત સર્જી ફરાર થયેલા ડમ્પર ચાલકે આગળ જતાં બાઇક ચાલકને અડફેટે લીધો
સાયલા : સાયલા મુળી બાયપાસ પાસે બેફામ બનેલા ડમ્પર ચાલકે બકરાઓને હડફેટે લેતા ૧૦ બકરાના મોત નીપજ્યા હતા, જ્યારે પાંચથી વધુ બકરા ઇજાગ્રસ્ત બન્યા હતા. અકસ્માત સર્જી ફરાર થયેલા ડમ્પર ચાલકે આગળ જતાં બાઇક ચાલકને અડફેટે લીધો હતો.
સાયલા-મુળી બાયપાસ પાસે માલધારી બકરાનું ટોળું લઇ સાયલા ઘર તરફ જઈ રહ્યો હતો. ત્યારે માતેલા સાંઢ જેવા ડમ્પરે પુરપાટ ઝડપે ચલાવી બકરાઓને અડફેટે લીધા હતા. જેમાં ૧૦ બકરા મોત નીપજ્યા હતા, જ્યારે પાંચથી વધુ બકરા ઇજાગ્રસ્ત બન્યા હતા.
અકસ્માત બાદ ચાલક ડમ્પર ભાગવા જતા આગળ એક બાઇક ચાલકને પણ અડફેટે લીધો હતો. સદ્દનસીબે બાઇક ચાલકને સામાન્ય ઇજા પહોંચી હતી. બાઇક ચાલકને અડફેટે લઇ ચાલક હોટલના કમ્પાઉન્ડમાં ડમ્પર મુકીને ફરાર થઇ ગયો હતો. અકસ્માતની જાણ થતા સ્થાનિક લોકો લોકોના ટોળાં ભોગા થઇ હતા. હાળ મળતી માહિતી અનુસા આ મામલે હજુ સુધી ફરિયાદ નોંધાઇ નથી અને બંને પક્ષે સમાધાન બાબતે વાટાધાટો ચાલતી હતી.
