AI IMAGE
Gold-Silver New Rates: સોના અને ચાંદીના ભાવમાં મંગળવારે (4 નવેમ્બર) ફરી એકવાર ઘટાડો આવ્યો છે. મલ્ટી કોમોડિટી એક્સચેન્જથી લઈને ઘરેલું માર્કેટ સુધીમાં સોના-ચાંદીના ભાવ ઘટ્યાં છે. MCX પર સોનું 500 રૂપિયા સસ્તુ થયું છે, ત્યારે ચાંદીના ભાવ અંદાજિત 2500 રૂપિયા સુધી તૂટ્યા છે. આવો જાણીએ હવે 10 ગ્રામ 24 કેરેટ સોનાનું ખરીદવા માટે તમારે કેટલા રૂપિયા ખર્ચ કરવા પડશે?
ચાંદીની કિંમતમાં મોટો ઘટાડો
સૌથી વધુ ઘટાડો ચાંદીના ભાવમાં જોવા મળ્યો છે. મંગળવારે MCX પર ચાંદીનો ભાવ શરૂઆતના ટ્રેડિંગમાં રૂ. 1,47,602 પ્રતિ કિલોગ્રામ સુધી આવી ગયો હતો, જે ગત ટ્રેડિંગ બંધ રૂ. 1,50,150 હતો. એટલે કે, તેમાં રૂ. 2,500 થી વધુનો ઘટાડો થયો. ટ્રેડિંગ આગળ વધતાં આ ઘટાડો થોડો ઓછો થયો, પરંતુ સાંજે 5 વાગ્યા સુધીમાં ભાવ રૂ.1,800 ઘટીને રૂ. 1,48,343 પર ટ્રેડ થઈ રહ્યો હતો.
MCX પર સોનાના ભાવમાં આટલો ઘટાડો થયો
મંગળવારે મલ્ટી કોમોડિટી એક્સચેન્જ પર 5 ડિસેમ્બરની એક્સપાયરી ડેટ વાળા 10 ગ્રામ 24 કેરેટ સોનાનો ભાવ લખાઈ રહ્યો હતો ત્યારે રૂ. 487 ઘટીને રૂ. 1,20,928 પર ટ્રેડ થઈ રહ્યો હતો. જે ગત ટ્રેડિંગ દિવસે રૂ. 1,21,415 પ્રતિ 10 ગ્રામ પર બંધ થયો હતો. જોકે, શરૂઆતના ટ્રેડિંગ દરમિયાન, સોનું ઘટીને રૂ. 1,19,801 પર આવી ગયું હતું, જે 10 ગ્રામ દીઠ રૂ. 1,614 નો ઘટાડો દર્શાવે છે.
