Surat News : સુરતના પાંડેસરામાં 21 વર્ષીય યુવકે ભાઈ અને માતાને મેસેજ કરીને ગઈફાંસો ખાઈને આપઘાત કર્યો હોવાની ઘટના સામે આવી છે. યુવકના આપઘાતને પગલે પરિવારમાં શોકનો માહોલ છવાયો છે. યુવકના આપઘાત પાછળનું કારણ અકબંધ છે, ત્યારે પાંડેસરા પોલીસે ગુનો નોંધીને વધુ તપાસ હાથ ધરી છે.
સુરતના 21 વર્ષીય યુવકે મોટાભાઈને મેસેજ કરીને કર્યો આપઘાત
મળતી માહિતી મુજબ, સુરતના પાંડેસરા વિસ્તારમાં રાહુલ અલગુરામ બિંદે નામના યુવકે ગળેફાંસો ખાઈને આપઘાત કર્યો છે. આપઘાત પહેલા મૃતકે તેના ભાઈને વોટ્સએપમાં મેસેજ કરીને લખ્યું હતું કે, ‘તું ભાઈનો હાથ પકડી રાખજે, હું તો હાથ છોડી ને જાવ છું.’
આ પણ વાંચો: ડિજિટલ એરેસ્ટના કારણે વડોદરામાં ખેડૂતના આપઘાતનો કેસ, સુરતથી 2 આરોપીની ધરપકડ
મૃતક યુવક પાંડેસરા વિસ્તારમાં ઓટો ગેરેજમાં મેકેનિકનું કામ કરતો હતો. જ્યારે ક્યાં કારણોસર યુવકે આપઘાત કર્યો તે સામે આવ્યું નથી. પોલીસે સમગ્ર મામલે આગળની કાર્યવાહી હાથ ધરી છે.
