મોટી ટાંકી ચોકમાંથી 2.59 લાખનો દારૂ કબજે કરાયો
હાલ દમણ રહેતો બુટલેગર યાકુબ મોટાણી રાજકોટ, મોરબી, સુરત, વલસાડ અને આણંદમાં હત્યા અને દારૂના ૨૧ ગુનામાં પોલીસ ચોપડે ચડી ચુક્યો છે
રોજકટ: રાજકોટ શહેર ઉપરાંત, મોરબી, સુરત ગ્રામ્ય, વલસાડ અને આણંદમાં હત્યા અને દારૂ મળી ૨૧ ગુનામાં પોલીસ ચોપડે ચડી ચુકેલા કુખ્યાત બુટલેગર યાકુબ મુસાભાઇ મોટાણી(રહે. હાલ દમણ )એ પાર્સલમાં પેક કરી ખાનગી બસમાં મોકલાવેલાં દારૂનો જથ્થો રિક્ષામાં ભરીને નિકળેલા આરોપીને પી.સી.બી.એ મોટી ટાંકી ચોકમાંથી ઝડપી લીધો હતો.
ધરપકડ કરાયેલામાં નવાઝ દોસ્તમહમદ ભાડુલા(ઉ.વ.૨૪ રહે.નંદનવન સોસાયટી, ભગવતી પરા)નો સમાવશ થાય છે. પોલીસે જણાવ્યું કે, આરોપી નવાઝ રીક્ષાચાલક છે તે અગાઉ ભાડલા રહેતો હતો બે-ત્રણ વર્ષ પહેલા રાજકોટ આવ્યો હતો અને ગ્રીનલેન્ડ ચોકડી પાસેનાં રૂટ પર રિક્ષા ચલાવતો હતો. બાદમાં થોડા સમયથી તેણે દારૂનો વેપાર શરૂ કર્યો હતો.
કુખ્યાત બુટલેગર યાકુબ મોટાણીે આજે પાર્સલમાં દારૂ ભરી ખાનગી બસમાં રાજકોટ મોકલ્યો હતો. તે નવાઝ પોતાની રિક્ષામાં ભરીને જવા રવાના થયો હતો. જોકે પી.સી.બી.નાં પી.એસ.આઇ. પી.બી. ત્રાજીયા સહિતના સ્ટાફે બાતમીના આધારે તેને મોટી ટાંકી ચોકમાંથી જ પકડી લઇ રૂા.૨.૫૯ લાખની દારૂની ૯૧૨ બોટલ અને રિક્ષા મળી કુલ રૂા.૩.૩૯ લાખનો મુદામાલ કબજે કરી બંને સામે પ્ર.નગર પોલીસમાં ગુનો દાખલ કરાવ્યો હતો.
આરોપી યાકુબ અગાઉ રાજકોટનાં અડધો ડઝનથી વધુ પોલીસ મથક ઉપરાંત વાંકાનેર, સુરતના કામરેજ, વલસાજના વાપી જી.આઇ.ડી.સી., ભીલાજ અને આણંદના વાસદ પોલીસ મથક મળી હત્યા, દારૂ સહિત ૨૧ ગુનામાં પોલીસ ચોપડે ચડી ચુક્યો છે. પોલીસે યાકુબની શોધખોળ હાથધરી છે.
